炎炎夏日，有乜嘢好玩嘅活動，CP值好得過去公眾泳灘游水呢？不過好多人都好關注香港公眾泳灘嘅水質，事關「唔乾淨」嘅海水，少則可能搞到皮膚出現過敏等症狀，如果飲咗海水而海水中嘅大腸桿菌超標，隨時引起腸胃不適……好在環保署剛剛宣布推出「泳灘水質預報系統」，各位鍾意去海灘玩水人士要注意喇！
============
同場加映：
【蝸居睇樓團】香港有心人撐！大樹下動物庇護中心 花逾30年將豬欄改建成浪浪溫暖之家
============
首先唔好講好似有大船漏油呢啲特別意外，原來海水水質喺一般天氣下，大多數都係優良等級，但喺大雨或颱風過後，水質易迅速惡化，大腸桿菌群可能增加數百倍！而水質惡化後，通常需3天左右先會回復正常。
環保署剛宣布由8月15日起推出「泳灘水質預報系統」，就全港所有開放予公眾游泳嘅憲報公布泳灘，提供每日水質預測，數據每日早上都會更新。市民即日起可透過下載「香港泳灘水質預報」流動應用程式或環保署泳灘專題網站入面嘅泳灘水質預測專頁，獲取各泳灘最新嘅水質預測資訊。
環保署表示是項計劃係同香港科技大學合作，依據各泳灘最相關及最新嘅環境及水文氣象參數，包括微生物數據、降雨量、向岸風速、潮汐、海水鹽度、太陽輻射和水溫等，預測每日泳灘海水中大腸桿菌嘅水平，並將結果轉化為易於理解嘅「泳灘水質預測指數」，輔助現行依靠水質監測數據的「泳灘水質監測計劃」，提供近於實時嘅水質預測，方便市民預先計劃水上活動，指數參照現行嘅泳灘水質分級制度，分為「1──良好」、「2──一般」、「3──欠佳」及「4──極差」。當泳灘的預測結果為「4──極差」時，市民應考慮避免下水。
配合一向都有嘅「泳灘水質監測計劃」，配合而家新推出嘅「泳灘水質預測指數」，市民更容易掌握即日泳灘水質質素，方便計劃當日係咪要去海灘玩水。
如果水質級別為「4──極差」，大家都係唔好落水喇！
【INFO】
「香港泳灘水質預報」流動應用程式
下載連結：www.epd.gov.hk/BWQApp
環保署泳灘水質預測專頁
網址：www.epd.gov.hk/BWQForecast
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
