家計會調查 香港生育率創歷史新低 夫婦平均僅育0.9名子女 43.2%受訪者無孩子

============
同場加映：
【蝸居睇樓團】天水圍居屋變身型格男生部屋 黑白灰色調 /特大雲石牆增豪宅feel/ 開放式書房

============

一向都有講近年香港嘅獨生子女愈嚟愈多，根據家計會剛公布每5年進行一次嘅家庭計劃調查，發現本港夫婦嘅平均子女數目，竟然由5年前嘅1.3人，下跌至0.9人，創下歷史新低！有關調查係家計會喺去年9至12月，訪問咗約1,502名15至49歲已婚或現正同居的婦女，以及約1,052名受訪婦女嘅伴侶，調查結果發現無子女嘅女性比率，係43.2%，較5年前增加逾倍。而有1名及2名子女嘅女性比率，分別係27.4%及25.2%，較5年前分別下跌約10個百分點。而想生或再生子女嘅女性比率，由5年前嘅15.3%，升至去年嘅22%；但唔想生或不想再生BB嘅女性比率，反而由5年前嘅67.4%減至55.2%！餘下約兩成受訪者則表示唔知道或未決定。根據調查亦睇到，學歷為大專或以上、收入逾3萬元嘅受訪女性，無仔女嘅比率均屬其他組別之冠。對於呢個結果，家計會建議政府應提供經濟支援，大企業亦應帶頭推行家庭友善政策，鼓勵生育。

 

家計會剛公布每5年進行一次嘅家庭計劃調查，發現本港夫婦嘅平均子女數目，竟然由5年前嘅1.3人，下跌至0.9人，創下歷史新低！

是次調查訪問咗約1,502名15至49歲已婚或現正同居的婦女，發現無子女嘅女性比率，係43.2%，較5年前增加逾倍。

根據政府統計處今年二月推出嘅一份《1991年至2021年香港生育趨勢》研究報告指出，「香港的生育水平，在過去30年大致而言呈現下跌的趨勢。總和生育率從一九九一年的每千名女性有1,281名活產嬰兒下降至二零零三年的901名。其後該比率回升至二零一二年的1,285名，然後逐漸下降至二零一九年的1,064名，再進一步下降至二零二一年的772名。在整段期間，總和生育率持續低於2,100的更替水平。」而根據聯合國人口基金會發布嘅《2023年世界人口狀況》，香港生育率為全球最低，每名婦女平均只生育0.8名子女，低於韓國、新加坡、澳門等。

 

根據聯合國人口基金會發布嘅《2023年世界人口狀況》，香港生育率為全球最低，每名婦女平均只生育0.8名子女。

text/Joyce

photo/HKET圖片庫