香港迪士尼樂園推出一系列暑假限定表演，包括小鎮大街舉行的「Pixar水花派對」，卡通人物於專屬花車上載歌載舞，並有水槍向觀眾射水，而城堡前的夏日版「迪士尼尋夢奇緣」匯演也加入水注、泡泡等元素，可以說「預咗濕身」！不過有迪士尼迷指見到不少旅客竟然開傘睇騷，阻礙其他遊客欣賞表演，有網友批評舉傘者行為自私。
由迪士尼迷開設的IG專頁「disney_pho.hk」近日分享一段拍攝遊人觀賞「迪士尼尋夢奇緣」匯演片段，拍攝者提到：「啲人開遮嘅速度快過我按快門」及「唔明點解要去濕身區擔遮」，匯演設有射水環節，近台位置是「濕身區」，但片中所見，當水花濺出，前排觀眾秒速「舉傘」，令現場頓成一片「遮海」。
點擊圖片放大
片中有堅持不擔遮的遊人被其他突然舉傘之人殺個措手不及，原本有靚位影相都要即時彎腰重新尋找拍攝角度，似乎十分無奈。
點擊圖片放大
原本「濕身」應為夏日版匯演賣點，遇上站前排但不願意濕身、紛紛舉傘的遊人，有網民留言：「如果知道會濕身，咁點解唔企後啲呢？擔晒遮，咁後邊啲人咪睇唔到囉」、「反正都出汗濕晒，唔爭再濕多陣啦，同埋又唔見佢地喺灰熊嗰邊擔遮？笑死」、「以為打緊仗 對面射箭來要拎盾擋」、「驚濕就返屋企訓教（瞓覺）啦 擔乜遮呀」
有網民無奈表示遇上這類情況雖然可以向園內工作人員反映，但有時不想為了尋求工作人員協助而放棄原本的位置，故只能在「遮海」夾縫中默默繼續睇騷，也有網友指上海迪士尼樂園規定這類演出期間，前排觀眾不准開遮，建議香港迪士尼樂園也可參考類似做法，為遊人提供更佳觀賞體驗。
點擊圖片放大
來源：IG@disney_pho.hk授權轉載
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
