網民熱議：第一次買樓有咩要注意？ 申請按揭應搵中介？將單位出租有咩要留意？律師費要幾錢？

============
同場加映：
【家居達人】對付黐笠笠油垢！實試5款去油污產品 梳打粉、電解水、除油濕紙巾 邊樣最掂最有效？

============

買樓律師費需數千至一萬？非所有律師都可處理樓宇買賣手續？
該名網民以「小妹終於買左(咗)樓」為題發文，指自己於過往幾年一直有睇樓，於最近成功置業，但卻仍然有多樣關於買樓的事項不了解而向網民求助：「按揭計劃，應該自己搵定經按揭中介？律師費一般幾多錢？係唔係選間平就得？小妹都要儲下(吓)裝修費，所以都想租出去一至兩年先自己住，租出去有無咩要注意？」

對於樓主的多項提問，有網民就先解答買樓的律師費一般需數千港元至一萬港元不等：「律師費就($)6000-($)10000」，亦有網民提醒並不是所有律師樓都會處理樓宇買賣事項：「一般是($)7000-($)10000，不過要了解唔係間間銀行律師樓幫忙做按揭代表律師要問清楚」，有網民則指應向地產經紀查詢有關雇用律師的事宜：「AA(意指地產經紀)一定會知道律師邊度平，唔使問我哋」

有網民指雇用律師處理樓宇買賣事項的費用需數千港元至一萬港元不等。

網民提醒並非所有律師都可處理樓宇買賣以及按揭申請，準業主需向作按揭申請的銀行查詢。

出租要小心租霸？將只付一、兩成首期的單位出租係犯法？
對於樓主打算買樓後再將單位出租，有網民表示出租具有一定風險，可能會遇上不良租客的問題：「出租有風陰(險)，我2x年前曾租過單位比(畀)年青女護士一年，搞到好污槽，之後不再租比(畀)人了，有些租客重(仲)唔交租timm(㖭)」，有網民則建議若將單位放租應找地產經紀代為處理：「(放)租揾(搵)大地產經紀，記得叫佢地(哋)查係唔係租霸」

其後事主補充原來只打算付1至2成的首期去買樓：「諗住一至兩成(首期)」，即引來大批網民指出購買作出租用途的單位只可最高申請5成的按揭，若將高成數按揭的單位出租即屬違法：「如果單位是出租，貴單位只可以做5成按揭。 如果做8成按揭或以上而且出租，是刑事案件要坐監」、「首期得一至兩成，係唔可以出租，會坐監」、「樓主，提醒你，你知道高成數按揭出租是不合法嗎？ 你借8-9成按揭，需要另外支付一筆按揭保險予HKMC (香港按揭證券有限公司)，所以是只能自住用途，不能出租。因你向銀行申請按揭前要聲明物業作自住用途，銀行及HKMC才會向你批出高成數按揭」

另外亦有網民指出事主在未有成功申請按揭的情況下買樓，可能隨時會因按揭未能獲批而需撻訂：「你借6成以上要按揭保險，你肯定hkmc(香港按揭證券有限公司)一定肯借比(畀)你？而且hkmc分分(鐘)要搞好耐，年中好多人就係hkmc唔批(按揭)要撻訂」

有網民指將單位出租或會有租客欠交租金、將單位弄污等風險，建議可找地產經紀代為處理出租事宜，以減少遇上不良租客的機會。

網民指出事主打算將只有一至兩成首期的單位出租是違法行為，而單位若作出租用只可最高申請5成的按揭。

按揭中介只提供銀行按揭資料？經中介申請按揭有回贈之餘又不收費用？
至於按揭申請應否經中介處理，有網民認為中介亦只會提供不同銀行的按揭資料，應向正使用其服務的銀行辦理按揭申請：「按揭都是找中介幫手拿資料，到最後都是自己聯絡銀行」、「唔應該搵按揭中介，最好就係搵返你有用開嘅銀行」

不過亦有網民指出經中介申請按揭可獲取回贈，而且更不需收取任何費用：「按揭可以試下(吓)搵中介，有回贈同會(有)多間銀行比較」、「按揭中介有回贈，又唔會收你錢，但小心搵，有啲回贈好多，有啲回贈好少」、「自己搵銀行冇著數架(㗎)，中介有回贈。中介都只係俾個銀行卡片你自己聯絡，同簽番(返)張中介信，唔會抽你咩費用」

有網民表示按揭中介只會提供不同銀行的按揭資訊，建議直接向正有使用其服務的銀行申請按揭。

有網民則指經按揭中介向銀行申請按揭可獲回贈，亦會比較多間銀行的按揭計劃，更不需收費。

金管局：高成數按揭物業不能出租
根據金管局規定，高成數按揭(六成或以上按揭)的申請人均必須居住於該物業內，而物業亦不能作出租用途，而若向銀行申報物業是作出租用途，按揭成數則只會獲批最高5成。若申請人作出虛假申報後，將高成數按揭物業出租，被銀行發現後會即時向按揭申請人追收貸款(又稱Call Loan)，另亦有機會干犯盜竊罪，一經定罪最高可判監14年。

金管局規定不能出租有六成或以上按揭的物業，而按揭申請人亦必須自住在物業內，若將高成數按揭物業出租，即有機會犯盜竊罪。

text/Jonathan
photo/HKET圖片庫