根據政府統計處剛於8月17日發表嘅最新勞動人口統計數字，經季節性調整嘅失業率，由4月至6月嘅2.9%，下跌至5月至7月嘅2.8%，失業人數減少約1,900人。就業不足率則保持不變，維持於1.1%嘅水平，雖然睇落相當唔錯，不過暑假又正值大學畢業生搵工嘅季節，近期市面都好多人搵緊工或想轉工，不妨留意吓勞工處將於8月22至23日喺旺角麥花臣場館舉辦嘅「共創多元文化工作間招聘會」，究竟屆時會有邊啲行業嘅僱主參加呢？又有乜嘢職位種類可以揀呢？
============
同場加映：
【家居達人】對付黐笠笠油垢！實試5款去油污產品 梳打粉、電解水、除油濕紙巾 邊樣最掂最有效？
============
勞工處剛公布將於8月22至23日喺旺角麥花臣場館，舉行共創多元文化工作間招聘會，呢個為期兩日嘅招聘會，由勞工處及民建聯少數族裔服務中心合辦，共有約50間機構參加，合共提供超過4,300個職位空缺，每日分別約有25間機構於會場設置櫃位，進行即場招聘，提供嘅職位類別相當廣泛，包括工程師、物理治療師、會計文員、活動助理、航務操作主任、車長、技術員、餐廳經理、廚師、咖啡師、侍應、會所主任、房務員、售貨員及水療中心美容師等。當中將於22日參與機構包括博美餐飲管理集團、Adecco Personnel Limited、保良局、康威警衛有限公司 、英格蜜兒有限公司、中國飛機服務有限公司及香港康得思酒店等；而23日參與機構則包括大家樂企業有限公司、城巴有限公司、菲力偉健美中心、九龍酒店及偉邦物業管理有限公司等。
參加機構包括保良局，會聘請註冊護士、登記護士、物理治療師及保健員等多位職位。
英格蜜兒有限公司及現代美容中心等機構，均招聘美容師。
多間酒店均聘請房務員。
多間酒店及飲食集團均聘請廚房及侍應等職位。
而對政府職位有興趣嘅話，香港警務處及懲教署亦將設置櫃位介紹工作機會及投考資格。是次招聘會中，約82%為全職空缺，大部分月薪介乎1.2萬元至2.1萬元。約97%嘅職位空缺，學歷要求為中七或以下，約50%的職位空缺則毋需相關工作經驗。求職人士可即場遞交職位申請，有機會即場接受面試，亦可在勞工處設於場內嘅櫃位，查詢該處提供嘅就業服務。另一方面，民建聯少數族裔服務中心將在招聘會設置櫃位，介紹該中心支援少數族裔人士嘅服務。五間培訓機構亦會為到場人士介紹培訓課程，現場並設有印度語、烏爾都語及尼泊爾語即時傳譯服務。
求職人士可即場遞交職位申請，甚至有機會即場接受面試，亦可在勞工處設於場內嘅櫃位，查詢該處提供嘅就業服務。
【INFO】
共創多元文化工作間招聘會
日期: 8月22及23日(星期二及星期三)
時間: 11am - 5:30pm (最後入場時間為5pm)
地點: 旺角奶路臣街38號麥花臣場館（室內）
網址：https://www.jobs.gov.hk/0/doc/jobfair/tc/2023-08-23-eippo.pdf
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
