一家三口輪候公屋九年獲派凶宅　怒斥房署有意隱瞞 簽約後始發現

============
同場加映：
【家居達人】瞓覺都有學問！專家教你點樣瞓得好 夠凍先瞓得好？枕頭應揀軟定硬？床褥散熱好重要！

============

黃女士表示：「7 月尾收到信話派順利邨利業樓，封信因為我係唔識睇，鄰居話係順利邨利業樓，咁我哋覺得近近哋幾好，因為劏房好擠迫，得 100 呎要住 3 個人，諗住近近哋、心急嗱嗱聲嚟睇。上去睇樓覺得左鄰右里啲樓好舊，嗰個單位就有啲新。我覺得有啲可疑，我就問帶我哋睇樓嘅保安何生，『呢間係唔係凶宅嚟㗎？』，何生就話『唔係，冇啲咁嘅事。』。

黃女士稱當時已問了職員 3 次她才同意簽約及繳付按金。到簽約時，黃女士再向房署職員詢問是否「凶宅」，同樣獲回覆不是，如果是「凶宅」會在通知信上寫明，黃女士始辦妥相關簽約手續。

豈料完成手續沒多久，黃女士便收到房署職員來電指單位是「凶宅」，她即拒絕接受單位，怒斥「凶宅我哋唔要，點解當時問幾次你哋係咪凶宅都話唔係？分明係欺騙呃我哋小市民。」。職員就要求黃女士交還鎖匙及收據容後再處理，但過了一段時間仍未有人跟進。

黃女士於是去樂富房署總部了解，輾轉下再回到順利邨查詢，「嗰個黃主任話得兩個選擇，一係要呢個單位，一係重新排過…我等咗公屋已等咗 9 年，你又叫我重新去輪候，問任何一個市民都唔接受呢個答案。」。在《東張》主持陪同下，黃女士再與房署職員對質，對方指如通知信已寫明就是「凶宅」，沒有寫就不是。

節目中見黃女士的「配房通知信」上，清楚列明「請參閱附頁以便了解上述單位的特殊情況」，附頁亦提到在「單位曾發生自殺／意外死亡事件，該事件約於 2022 年 9 月發生」。

黃女士表示自己當時沒有看到。事件發生後給女兒看信件內容，女兒就指「信上有寫」。這方面黃女士承認自己有錯，沒有看信，而且因目不識丁不懂得看，但對職員在問了多次的情況下都沒有講清楚是「凶宅」，認為對方也有問題。

節目就此事向房屋署查詢，得到回覆指公屋單位會以電腦隨機方式，按申請者的家庭人數、公屋選區及單位編配標準，並配合輪候到達編配階段時的資源編配。又提到在簽約當日，住戶曾向職員查詢該單位是否發生過任何事故，「職員回覆稱，單位有特殊情況，已經在配房通知信中達細列明。根據記錄，申請者已接受上述單位編配，並已辦妥有關入伙手續。」

黃女士則表示「樂富房屋署嗰邊要17號之後，然後再約時間睇吓點辦，現時嘅單位仲係屬於我嘅，但係我唔要呢個單位。」對於這次「羅生門」事件，雙方似乎都有問題，相信都應該要搞一排先拆掂！

Text/Circle
Photo/TVB 東張西望