TVB劇集《破毒強人》昨晚（18日）劇情相當感人，淑賢（朱智賢飾）自殺一幕、無論拍攝或剪接手法均非常賺人熱淚，這邊廂淑賢冒著大雨走進注滿一氧化碳的車廂中自殺，臨死前堅強又鎮定的拍下自首片段，令人大讚朱智賢演技大躍進，她受訪時就大爆原來是煲《無間道》向劉嘉玲取經學做社團大嫂！
《破毒強人》昨晚（18日）劇情講到淑賢（朱智賢飾）為了救老公福田（蔣志光飾），一直咬住文華（陳豪飾）、章琳（胡定欣飾）唔放，連番以爆大鑊及報警要脅二人，其中一句：「你知唔知對於一個女人，咩重要得過佢條命？就係佢屋企人」，盡顯女人無私的愛及霸氣！縱然已竭力作多番周旋，淑賢在兩大老狐狸身上仍是不得要領，更遭章琳反佔上風著她不要妄想能救出福田，並誘導情緒激動的淑賢做福田「替死鬼」…結果救夫心切的淑賢經歷多番內心掙扎後，終決定自殺拯救老公，臨死前更專程前往探監，忍痛為老公作最後打氣及告別…
朱智賢在一場探監戲中，由於福田答應淑賢出獄後要陪跳舞，於是則在拘留所中反覆練習，配以背景歌曲《千言萬語》、朱智賢及蔣志光的深情演繹，甚是淒美。為了突顯該幕的視覺震撼，劇組為場口預備了大水車製造人造雨，被人造雨及工作人員噴至全身濕透的朱智賢，由於嘴唇被化到發紫，加上一頭亂髮，被導演取笑像女鬼，甚是爆笑。
朱智賢受訪時透露拍攝當晚氣溫只有8度：「當時係冬天，仲要係凌晨四、五點拍，嗰陣時得8度左右，我自己本身好怕凍，所以包咗好多保鮮紙打底。淋住雨做戲好難focus，因為真係好凍，當時我好驚會喺鏡頭面前震，因為揼住雨應該好有Feel，但無啦啦喺度震嘅話咪要retake咯，所以我就不停叫自己千祈唔好震。」
劇中「淑賢」重情重義、剛柔並重，加上朱智賢演繹得很立體，角色自出場後吸獲不少好評，風頭不輸蔣志光；朱智賢透露當初接到角色時最擔心「撈味太重」，並謂有參考《無間道》劉嘉玲演出：「一開始我唔知應該點樣去拿捏，因為做得阿嫂應該好多人生經歷，而且要喺暗黑世界生存一定唔簡單；但另一方面我又已經做咗阿媽，又唔會『撈味太重』，所以我覺得最難拿捏係又要做得似阿嫂、又要似一位媽媽。事前準備功夫方面我就參考咗《無間道》劉嘉玲嘅角色，佢係一位江湖阿嫂，我有細心留意佢啲神態、語氣、打扮等等，希望攞到啲靈感。」
對於有網民指「福田夫婦好有愛」，朱智賢就笑言：「應該拍一套前傳，講下福田愛的故事」，更有人留言：「沉痛哀悼福田嫂沈淑賢，義薄雲天」、「福田嫂對福田真係有情有義」，另還有網民指朱朱演技一套比一套進步，並讚她演得入戲又自然。
圖片來源：TVB
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
