Edan演唱會|呂爵安IG為粉絲發聲怒罵演唱會飛呃錢黨 直接點名Tag騙徒「解釋下?」

文: 羅志宏
2023.08.20

Edan呂爵安首個個人演唱會《EDAN LUI 「IN MY SIGHT OF E」 SOLO CONCERT 2023》將於8月25日至27日舉行,不少未買到門票的「爵屎(Edan的粉絲)」不慎誤墮騙徒陷阱就被「呃錢黨」行騙,要求先入數,後交收取票,豈料入錢後就被騙徒在封鎖其聯絡方法,輕鬆呃錢走人,令Edan都忍唔住為粉絲發聲,直接點名Tag騙徒:「解釋下?」

Edan在粉絲Tg Group上得悉相關事件後,不忍粉絲被騙,在IG限時動態上就公開了有粉絲被「呃錢黨」行騙的經歷,先後貼出了三張截圖,兩張為粉絲被騙交易的對話截圖,而另一張就是被冒認行騙的商家澄清截圖。騙徒涉嫌假借某商家聲譽,偽造類似的社交帳號再冒認行騙,手法可謂層出不窮。

而Edan亦發聲怒罵這些演唱會飛呃錢黨,直接點名Tag了騙徒的行騙帳號,寫道:「上tg grp望一望見到有人被呃(疑似)即刻燥_咗」、「提提大家搵人買飛真係唔好俾錢先、一定係面交一手交一手」、「YIP T** K*** 可唔可以幫幫手解釋下?有冇人可以話我知,如果真係呃人,有FPS資訊係咪可以報警捉到佢?」、「原來之前試過用人地址扮哂嘢。咁應該真係騙子了,其實都唔係第一次見到有fans被人呃,究竟有冇方法可以懲罰到哩啲人」

 

圖片來源:IG@Edan

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓