下周生日即將踏入34歲的TVB女藝人黃美棋今日（21日）在IG社交平台突然公布喜訊，宣布嫁人！黃美棋分享了早前男友鍾健威（Ray）求婚的照片，撰長文寫道：「我哋出年真係結婚啦」，多位圈中藝人好友包括林秀怡、朱智賢等都有見證求婚一刻，恭喜！
黃美棋今日（21日）在IG社交平台突然公布結婚好消息，分享了多張男友求婚的照片，宣布明年嫁人！與男友愛情長跑長達11年的黃美棋，見到男友求婚就感動到爆喊，場面溫馨，幸滿瀉。黃美棋公布喜訊全文如下：
Dear 未婚夫 Ray :
我哋出年真係結婚啦
多謝你為我安排嘅呢一個驚喜party
原本無諗過要特別攪生日…
所以見到d朋友同屋企人果下真係好感動🥲
到咗切蛋糕嘅時候，竟然仲有一個神秘嘉賓
果下真係真係好開心亦都好感動，因為你竟然安排咗個氣球帶住隻我地隻求婚戒指飛埋嚟
我無諗過你會記得我講過好得意…好鍾意
一晚入邊喊咗幾次
但係全部都係幸福嘅眼淚
好多謝大家對我地嘅寵愛…
我真係覺得自己好幸運
好幸福…成長嘅階段，分別遇到身邊嘅每一位～
我切蛋糕嘅時候…手都震埋
心入邊諗…點解我咁幸福…
所有屋企人、好朋友、重要嘅朋友都好錫我…
我心入邊默默祝福你地每一個都要身體健康，事事順心
人大了，已經唔係好在乎自己幾歲…
重視嘅身邊嘅人過得開唔開心
健唔健康
未婚夫 ，多謝你嘅精心安排 我哋終於唔使守秘密啦
多謝你安排咗呢個咁難忘嘅生日俾我，多謝你由搵地方、偷偷聯絡我嘅屋企人、朋友、買花、搵decor佈置、安排座位、扮做野出去先，今次樣樣都完美無瑕，我真心要俾個叻你
今次你係勁嘅
冇乜特別嘢可以報答你，
只能用我嘅餘生去繼續煩死你
以後我地要繼續相親相愛
繼續去創造屬於我地嘅未來
未婚妻 美棋上
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
