香港借錢渠道愈趨容易，衍生的債務問題已非新鮮事。最近網民於討論區分享，聲稱自己23歲學生欠債達30萬元，目前半工讀每月需償還$8,000債務，苦呻「根本唔夠還」，但未敢告知家人且不想申請破產，令不少網民驚訝，直言學生都照批30萬貸款額，並提出相關建議！
最近有男網民於連登討論區發帖，並以「23歲學生欠債30萬，唔想破產可以點部署」為題，稱自己目前是學生，上午時間讀書，下午時間則做兼職，每月要還$8,000，直言「part-time根本唔夠還，唔想比屋企人知，除咗老破（破產）仲有咩方法」，貼文隨即引來迴響。
不少網民對於學生欠下30萬債務感到驚訝，有人質疑「23歲除左孖展、賭錢、做借貸擔保人之外，可以點樣欠債30萬咁多？」，有網民則指，坊間部分銀行或機構妄顧學生償債能力，「照批30萬限額信用卡、就算申請時得1至3萬、UPUP（增加）下就UP到30幾萬都有的」，不過樓主未有特別解釋欠債原因。
然而針對樓主提出如何部署，大部分網民認為若要還債，最重要是需要正職工作，並建議「結餘轉戶一下，30萬分84期....至少月還4千零5千」、「翻工搵錢，債務重組」等；都有網民分享個人經驗，指「21歲學生我欠債10幾萬每個月還緊成萬，每個月都返幾份工努力還緊(有啲都淨還緊息)，Ching 搵多幾份炒散啦」。
至於申請破產與否，部分網民就不太建議，「老破對你一世都有影響。捱完五年你都仲係身家清白， 但你一老破過，就算你第日搵到錢都難買樓或借錢周轉難」；都有人著樓主向家人坦白，與其向外債疊債無助解決財務問題，不如「搵屋企幫手」。出現債務問題不易應付，建議有需要人士遇上困難，最好還是尋求援助及獲取專業的財務意見。
▼網民留言▼
*結餘轉戶
專為整合申請人欠債而設的貸款，把申請人手頭上各項欠債包括信用卡欠款及貸款等集中處理。
*債務重組
債務重組是《破產條例》訂明的法律程序，當欠款人無法按原訂安排向債主還款時，可以經會計師或律師，與各債主協商新的還款方案。
資料來源：連登討論區
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
