破毒強人｜馬貫東難逃一死演技爆發負面情緒大雜燴 層次式飆戲獲激讚被視為男配角大熱
TVB劇集《破毒強人》昨晚（22日）一集劇情講到杜飛（馬貫東飾）最終下場難逃一死，馬貫東在最後一場戲展現了爆喊戲，示範了層次式的「負面情緒大雜燴」，獲得不少觀眾激讚其演技，更被熱捧為今年男配角的大熱人選，而馬貫東對此就表示獎項交由觀眾決定，直言：邊個拎都係實至名歸！
.昨晚（22日）一直對文華（陳豪飾）忠心耿耿的杜飛（馬貫東飾）終領便當，更是由文華親手揑死兼掟入天台水廂，相當無情。原本想救出杜飛的文華，因夢到無助的章琳（胡定欣飾）及安樂（何廣沛飾），竟改變主意殺死杜飛；杜飛雖及時察覺有異逃過一劫，但最後還是選擇綁架章琳逼令文華現身當面對質。
面對因被自己背叛而失望透頂的杜飛，文華除零悔意明言是為了章琳及安樂，更驚爆歪理：「人一出世，就注定要死，我都唔驚，你驚咩？」大感難以置信的杜飛除絕望地拋出一句：「我都係你拍檔」，更歇斯底里怒吼：「我估唔到我條命咁賤！」劇情既傷感又緊湊…
自劇集播出後累積不少正評的馬貫東（Mark），角色一死即引爆網民不捨留言，並旋風式吸納好評：「每一集都期待佢嘅出現」、「狠而抑鬱的眼神很養眼」、「睇住你一路捱過來」、「打交打好型」，還有網民力推他今年榮膺「男飛躍」／「最佳男配角」獎項殊榮。
入行17年的馬貫東（Mark），代表角色除有《愛‧回家》系列的十仔及博士外，還有《那些我愛過的人》的古醫生，及《愛上我的衰神》的Santino等，還有不少網民至今仍以「十仔」或「博士」稱呼他，足見角色入屋度。馬貫東自2016年起曾三度提名男飛躍，可惜均鎩羽而歸，問Mark如今杜飛彈出，會否寄望今年終能勝出男飛躍，馬貫東就笑言：「能夠獲得提名嘅藝人，都一定好有實力同有明顯進步，所以參與到競逐獎項已經好開心，能唔能夠攞到就交畀觀眾去決定，邊個拎到呢個獎都係實至名歸。」
談到「杜飛」最終下場的戲份，馬貫東笑指場口是「負面情緒大雜燴」：「點解一個咁信任你嘅人，你要佢咁樣為你犠牲？嗰種被背叛嘅感覺真係直插心臟…呢個場口嘅情緒係全套劇入面最豐富嘅，仇恨、無奈、悲傷、絕望，所有負面形容詞一次過喺嗰幕呈現出嚟。杜飛可以為咗文華不惜一切，只要佢一句乜都得，但最後都係被背叛。」
至於逃獄及與殺手泥漿肉搏動作場口，馬貫東透露是「入行以來最辛苦的兩場戲」：「當日非常熱，加上落大雨又濕又焗，呢啲情況下拍打鬥戲，真係幾消磨體力同意志。泥漿嗰場更加難，因為啲泥漿搞到個身黐立立，郁動方面有困難，同時又要就住唔好畀啲泥漿入眼，否則會睇唔到嘢。為咗效果，我同對手Peter溝通之後決定唔理咁多『實做』，轟轟烈烈咁打場好交，當然我哋做足安全措施嘅，戴晒護膝、護踭同腰封。」
馬貫東續指拍畢該場後，要馬上「射水」沖身。談到角色招牌「皮褸」，Mark笑言又愛又恨：「件皮褸的確好型，但30幾度加上勁濕嘅天氣再加上打鬥戲，著住佢真係百感交集、痛不欲生，嗰種痛比起文華畀我嘅痛，係不相伯仲，哈哈。不過睇番觀眾咁欣賞，所有嘢我都覺得係值得嘅。」
港生活人氣娛樂新聞
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
