而家搭港鐵，大部分人都係用八達通，單程售票機？噢，真係唔講都幾乎遺忘咗佢嘅存在！但想當年地下鐵通車頭幾年，大家都真係經常要用車站大堂嘅單程車票售票機嚟買車飛，但售票機只收散銀兼唔識找錢，諗返起都幾麻煩……而八十年代地下鐵呢種新交通工具，相對於巴士及小巴等，都算係一項「潮物」，更加成為當時唔少青春偶像電影入面嘅重要場景，唔知大家數得出邊套戲呢？
============
同場加映：
【家居達人】易潔鑊8大迷思 塗層致癌？刮花可回收/翻新？
============
講到當年嘅地下鐵路單程售票機，雖然用而家角度睇係有啲麻煩，但大家嘅感受都相當有趣：「出飛時張飛係熱嘅」、「細個好好奇點解部機會識分銀仔」、「用過，不過有時會好麻煩，總有幾個銀仔入唔到，之後係機身磨幾吓又會入到」、「細時覺得呢部機好好玩，果時係進化到撳返要用嘅車費個掣再入銀仔，覺得好過癮」、「呢種售票機冇得找錢，但可以用俾多咗嘅錢去買下一張飛，記得有另一部機係專唱散子（紙）」，係呀，當時係有另一部散紙機，由於數量少過售票機，成日都要排長龍㗎！
在1981年推出儲值票前，大家搭地鐵都係買單程飛，所以車站大堂有大量售票機，大家要睇清楚目的地嘅票價，再到相應嘅售票機買飛。
呢款單程售票機，不設找續，買飛前要去找自動找續機唱銀仔呀！
見到呢啲磁性車票嘅通用儲值票，大家係咪好懷念呢？
地下鐵成八十年代青春電影熱門場景
1979年底通車嘅地下鐵，對香港人當時嘅生活起咗重大影響，相比於巴士及小巴等傳統交通工具，搭地鐵真係有種「潮」嘅感覺，所以亦成為咗好多青春偶像歌影作品入面重要嘅「場景」，歌仔都有得唱嘅「地下鐵碰著她，好比心中女神進入夢……」《幾分鐘的約會》，就係陳百強喺1980年底推出嘅名曲。喺1981年暑假上映嘅電影《失業生》，就有陳百強同張國榮追女主角徐杰追到上車嘅情節。不過講到套戲由頭到尾都係圍繞住地鐵嘅，一定要數1984年上映嘅《緣份》，最後講到張曼玉為咗考驗同張國榮係咪真係有緣份，於是兩個就分頭搭地鐵不斷轉車轉線唔出閘，若果能夠喺當日尾班車前相遇，就即係有緣份……但當時地鐵只有觀塘線同荃灣線，如果今日再玩呢個地鐵緣份Game，真係要唱：「你我相隔多麼遠，那年那天可相見……」
1980年陳百強名曲《幾分鐘的約會》，就係講喺地下鐵邂逅女神，呢套1981年暑假上映嘅電影《失業生》，就有陳百強同張國榮追女主角徐杰追到上車嘅情節。
1984年上映嘅《緣份》，張曼玉為咗考驗同張國榮嘅緣份，就係地鐵範圍內玩緣份Game，當年都好經典。
text/Joyce
photo/網上截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
