超市劈價$1支台灣樽裝茶!港人掃平貨一口氣買逾200支 網民:仲平過飲水

文: 溫藹紅
2023.08.25

超市清貨優惠!最近有本地超市驚現$1台灣樽裝茶,由於價格極平,吸引部分市民大舉入貨,有港人更分享自己已經入手逾200支茶,涵蓋烏龍茶、煎茶、茉莉綠茶等不同口味,有網民直言「仲平過飲水」!

近日不少網民發現,部分超市U購Select進行清貨減價,其中台灣品牌SimplyGood樽裝茶飲,更加以超抵價$1發售,吸引不少街坊及市民購買。該樽裝茶每支售價由$8.5至$10不等,但似乎基於到期日將至,今次多間超市均大平賣以$1清貨。

該價格破底價,有港人就特意前往大舉掃貨,並於Facebook群組上分享「戰績」,其中有人一口氣購買了超過200支茶,其中包括Simply Good香焙煎茶、烏龍茶、茉莉綠茶(580毫升),從相片中可見,樓主一次過購入多箱茶飲僅花費$210,但過期日為今年9月28日;亦有網民表示, 於某區U購超市目睹有人掃走百多支茶。另外據網民分享的相片,大支裝每支亦僅售$2,認為同樣抵買。

不少網民均指好抵買,直言售價「仲平過飲水」、「前幾日買$10/3枝已經覺得好平…而家仲要$1支」;都有人認為,樽裝茶多數含「防腐劑」等化學成分,寧願買茶包,但「一兩蚊枝計落分分鐘仲平過茶包,係抵嘅」。至於味道方面,有網民形容相對淡味,不過未必每間分店都有特價,有興趣不妨留意附近超市喇。

▼網民留言▼

資料及圖片來源:FB@超市優惠關注組(帖文1)FB@超市優惠關注組(帖文2)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓