近年大家成日講AI人工智能，講得最開心嘅，都係話用AI模仿邊個藝人邊個歌手等，不過有新科技，都要睇使用嘅人究竟心地好唔好！正所謂「道高一呎，魔高一丈」，有新科技，騙徒又有新犯案方法！警方就啱啱發布，首次發現有詐騙集團利用人工智能換臉技術，盜用咗市民已報失嘅身份證，企圖瞞騙人臉識別系統，再向金融機構在網上借貸，大家真係要提高警覺呀！
============
同場加映：
【家居達人】瞓覺都有學問！專家教你點樣瞓得好 夠凍先瞓得好？枕頭應揀軟定硬？床褥散熱好重要！
============
網絡安全及科技罪案調查科科技罪案組警司高迪表示，好多金融活動如借貸及開戶等，現時都可以透過網上進行，唔少金融機構會要求申請人掃瞄及上傳用戶嘅身份證明文件及即時自拍照片，然後透過人面嘅識別系統，核實申請人與身份證明文件嘅照片是否吻合。
警方經過深入調查，成功瓦解一個利用欺詐手段向金融機構申請貸款及開設銀行戶口嘅犯罪集團，涉款20萬元，最「震驚」嘅係警方首次發現騙徒利用人工智能換臉程式，即坊間所指「深度偽造（Deepfake）」技術，喺網上申請貸款，成功騙取7萬元。該詐騙集團涉嫌由去年9月至今年7月間，盜用至少8名市民已報失嘅身份證，向20間銀行及借貸公司，合共遞交90次貸款申請及54次銀行開戶申請，絕大部分係透過網上進行，其中有4次貸款申請成功獲批，涉及款項共20萬元。在分析犯罪手法時，警方發現呢詐騙集團，曾經最少20次利用人工智能換臉技術，試圖冒認已報失身份證嘅市民，企圖瞞騙人臉識別系統，以完成網上申請程序，當中有一次成功瞞騙。
詐騙集團利用市民已報失嘅身份證，透過網上向銀行及財務公司申請貸款及開戶口。
當中曾運用20次利用人工智能換臉技術，試圖冒認已報失身份證嘅市民，企圖瞞騙人臉識別系統，以完成網上申請程序。
騙徒釣魚詐騙訊息盜取信用卡資料
另外，警方又發現詐騙集團亦曾利用相關8張已報失嘅身份證，登記超過30張預付費電話卡，並在今年4至5月，發送出超過7,200個釣魚詐騙訊息，企圖以提供積分回贈等着數，誘騙市民提交信用卡資料，至今接獲一宗相關報案，受害人因誤信釣魚詐騙訊息，交出其信用卡資料，因而被騙去信用卡資料購物。行動中，警方檢取1張屬於市民報失嘅香港身份證、13張懷疑偽造香港身份證、19部手提電話、9部電腦及一批虛假文書，包括收入和住址證明，以及一批製作偽造身份證工具，如打印機及膠卡，警方唔排除將有更多人被捕。
警方提醒市民，高科技欺詐工具及手法令人防不勝防，「有圖未必有真相」，市民需時刻提高警覺，保護個人資料，提防受騙。如果有任何懷疑，可以致電警方防騙易熱線18222，或者利用「防騙伺服器」或「防騙伺服App」查核懷疑的網址、電郵、電話號碼、社交平台帳戶、收款帳戶等。
騙徒亦曾發送出超過7,200個釣魚詐騙訊息，企圖以提供積分回贈等着數，誘騙市民提交信用卡資料。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
