港人深圳杜牙根疑受騙?3次杜牙根無杜清!診所照收$2000建議再拔牙 網民咁樣睇

文: 溫藹紅
2023.08.30

香港睇牙貴,不少港人或前往深圳睇牙,全因收費相對便宜,不過最近有港人就分享個人經歷,指去深圳一間人氣牙科診所杜牙根,前後花費約$2000,惟經過3次療程後,發現牙根未有完全杜清,店方則指「已經差唔多完成」,更再建議其拔掉大牙,因而認為自己受騙!

有網民於Facebook群組發文分享,自己早前於網上得悉不少人推介深圳一間牙醫診所麥X,於是預約去杜牙根。「杜咗3次後佢又話我隻大牙要拔,每次去比佢地整見佢地同事之間不斷傾計,又整好耐」,及後她逛商場時發現另一間牙科診所,便預約這間去拔智慧齒,豈料有大發現。

「佢地幫我照咗張片(CT),竟然發現麥X根本上冇同我杜根,上星期麥X仲同我講已經差唔多完成,根本上係騙人,麥X約咗我9月頭上去比佢睇隻大牙點,有冇壞,上次又話壞要拔,咁一開始就應該拔,點解收咗我2000蚊杜牙費用」,她更建議網友們整牙之前考慮清楚。

事件引來大批網民留言討論,有網民認為已經完成3次治療,沒有理由無杜到牙根。事主形容「第一次聽到用鑽聲,第二次有見到佢用好長既針係咁撩,第三次好似換咗啲藥」,另外「隻大牙側比橫生智齒撞穿好深同有個大窿」。但目前大牙確實沒有感覺痛楚,然而於新診所檢查及以CT分析後,發現「未杜清哂神經」。

▼網民留言▼

有網民就指出,杜牙根$2000雖然未算便宜,但認為「如果你隻牙不是全部受感染或壞死,就可能唔洗杜曬全部牙根」,亦有可能「你隻牙被智慧齒頂住,好難杜牙根,所以佢地先想同你拔咗隻智慧齒先」。不過有網民認為「樹大有枯枝,要找有好信譽的牙科診所」、「覺得整牙都係係香港做好啲,有事可以投訴同跟進」,獲樓主回覆指「怪我實在太窮」,直言都想在香港治療,惟香港政府牙醫服務不足,加上牙痛十多日「痛不欲生」,只好前往內地處理。

▼網民留言▼

根據香港衞生署,牙髓治療/根管治療(杜牙根)是指把部分或全部受感染或壞死的牙髓組織清除,然後把牙髓填封,其目的是清除牙髓腔的細菌,阻止牙髓感染蔓延至牙周組織和牙槽骨,以免這些組織受破壞,使牙齒得以保存。大家有需要最好還是事先詢問牙醫的專業意見!

資料及圖片來源:FB@深圳大灣區吃喝玩樂開心分享區、小紅書

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓