去過政府醫院睇專科門診嘅人，都明白診症後輪候等藥，都相當嘥時間，但其實醫管局係有藥物送遞服務，除咗長洲醫院之外，全港所有聯網嘅專科門診都可以透過醫管局手機應用程式HA Go，安排將藥物直接送到屋企或指定地址，究竟收費幾多錢？邊啲藥物唔可以用呢種服務呢？
============
同場加映：
【家居達人】易潔鑊8大迷思 塗層致癌？刮花可回收/翻新？
============
醫管局剛公布，藥物送遞服務將於8月28日起，擴展至新界西醫院聯網，屆時所有聯網嘅專科門診（長洲醫院專科門診除外）均可提供此服務。所有專科門診嘅合適病人均可於診症後，選擇送遞藥物到家中或指定本港地址，節省輪候取藥時間。
藥物送遞服務自五月起推出以來，陸續推展至不同聯網，服務反應理想，目前已有超過1,300名專科門診病人使用過服務。醫管局預期當所有專科門診全面推行呢個服務後，使用量會逐步上升。由九月起，藥物送遞服務將可透過醫管局手機應用程式HA Go嘅「照顧者」及「我的子女」模式安排，方便專科門診病人嘅家人或照顧者，以及18歲以下病人嘅家長，於病人診症後代為安排藥物送遞服務。此外，服務稍後會涵蓋更多類型的病人，包括出院病人、急症室病人及免診取藥病人，希望能為更多市民提供方便嘅取藥選擇。
睇完專科門診後，市民往往要花長時候等候取藥。
由九月起，藥物送遞服務將可透過醫管局手機應用程式HA Go嘅「照顧者」及「我的子女」模式安排。
但醫管局提醒市民，使用藥物送遞服務嘅病人，應確保當中無需要即時服用嘅新處方藥物，以及家中有足夠藥物服用以繼續療程，直至藥物預計送達時間。病人接受診症後透過HA Go安排送遞藥物至家中或本港指定地址，送遞費用是按每張處方劃一收費65元。可安排送遞嘅藥物涵蓋大部分藥物，包括需冷藏嘅藥物，但唔包括香港法例訂明的「危險藥物」。病人或其指定代表喺收取藥物時，須出示HA Go入面嘅二維碼作身分核對，確保藥物安全送到病人手中。
病人喺使用藥物送遞服務時，亦可同時選擇「藥劑師用藥指導服務」。藥劑師會致電或透過視像方式聯絡病人，提供遙距用藥指導，並解答用藥疑問，確保病人用藥正確及安全，提高治療成效。
藥物送遞費用是按每張處方劃一收費65元，可安排送遞嘅藥物涵蓋大部分藥物，但唔包括香港法例訂明的「危險藥物」。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
