居屋2023剛於8月中截止申請，如果能夠中籤，就真係恭喜晒呀！不過心水清或有經驗嘅過來人都表示，因為揀樓會有先後次序，尤其係長者有優先揀樓權利，所以往往去到自己揀樓時，因為單位完全唔符合需要或負擔能力而被迫放棄！但新任房屋署署長羅淑佩早前就曾於房委會公開大會上表示，留意到呢個「漏洞」，日後居屋揀樓程序有機會「優化」，究竟詳情係點呢？
============
同場加映：
【家居達人】易潔鑊8大迷思 塗層致癌？刮花可回收/翻新？
============
現時房屋署推售每期居屋時，參加「家有長者優先選樓計劃」嘅申請者，均可優先揀選約30%嘅單位，導致其他申請者未必可以挑選到心水或較受歡迎嘅屋苑。新任房屋署署長羅淑佩近日於房委會公開大會上表示，都有留意到參加「家有長者優先選樓計劃」嘅居屋申請者，大多傾向會選購較受歡迎地區嘅屋苑及單位，若果能將有關配額，平均分配到各個推售屋苑，就可以畀其他申請類別嘅申請者，亦可以有機會選購較受歡迎地區嘅屋苑。不過，羅淑佩續指若真係實施呢個新安排嘅話，有機會會延長整個揀樓程序嘅時間，但會於將來嘅居屋銷售計劃中，進一步探討方案。她又指會考慮延長高樓齡二手居屋嘅按揭貸款擔保期以促進流轉。
現時參加「家有長者優先選樓計劃」嘅居屋申請者，均可優先揀選約30%嘅單位，令其他組別申請人未必揀到心水單位。
房署正考慮將有關嘅長者優先揀樓配額，平均分配到各個推售屋苑，就可以畀其他申請類別嘅申請者，亦有機會選購到較受歡迎嘅屋苑。
公屋輪候時間 有望達6年封頂目標
房屋署亦認同需修改現有「配額制」，研究將「優先揀樓配額」平均攤分到各屋苑。但若果有關情況一經落實，有機會分薄咗中籤家庭揀到如市區屋苑或最大單位嘅機會；而身兼房委會委員嘅議員梁文廣亦認同有關修訂方向，希望日後一人申請者或小型家庭申請者，都有機會揀到最大單位或市區靚盤。
資助房屋小組委員會主席黃碧如早前曾提議，將公屋長者豁免資產審查年齡，由60歲上調至65歲，令更多住戶要接受審查，但羅淑佩認為，退休和接近退休人士通常靠積蓄生活，憂慮房委會若收緊長者資產審查嘅話，會惹反彈，被認為罔顧長者的需要。對於現時公屋輪候冊情況，羅淑佩表示截至今年6月底，公屋一般家庭平均輪候時間為5.3年，較早前回落13%，有信心可以達到在6年封頂嘅目標。
對於公屋輪候，羅淑佩表示有信心可以達到6年封頂嘅目標。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
