TVB劇集《破毒強人》昨晚（30日）一集焦點集中在徐安好（鄭穎琳飾）身上，被福田（蔣志光飾）綁架的好好，伺機逃脫並躲在綁匪車車尾；可惜卻因綁匪駕車外出時被警方追捕，兩名綁匪及好好最終連人帶車衝落海意外身亡。
不少網民對於好好領便當大感驚嘆，紛紛留言表示不捨：「好好慘死！」、「唔追架車就冇事喇」、「畀番好好大家呀」，更有網民奢望好好能夠奇蹟地大難不死。好好死後，哥哥徐安樂（何廣沛飾）及兩名紅顏知己阿Wing（郭柏妍飾）及可兒（張寶兒飾）趕往案發現場，並相擁哭成淚人！
何廣沛在這場喊戲再吸正評，除了因為「講不出聲」的悲號聲令人聽得揪心，從其眼中不斷滾落的斗大淚珠，亦令場口更具感染力，獲網民指睇到「心都實晒」：「仲慘過喊得出聲」、「安樂大喊，淚水多到滴落地，但佢又喊唔到出聲，仲慘過喊得出聲，睇到我個心都實埋」。其實何廣沛昨晚不止一場喊戲，昨晚在海傍燒衣給妹妹一幕，其木無表情、欲哭無淚的絕望神情，亦令網民心痛不已：「無力挽、又喊到攰哂就係呢個樣」。由於安樂備受重大打擊，不少網民更好奇角色事後會否暴走黑化。
另外飾演安樂紅顏知己可兒的張寶兒演技亦獲激讚，除了與安樂趕往案發現場的傷感樣令人動容，為了幫好好討回公道，可兒其後在記者會上哽咽忍淚質問警方是否需為徐安好死亡事件負責時，無論是強忍傷痛的語調、在眼眶中不斷打轉的淚水，或是既倔強又哀傷的情緒均相當到位，當中一句極傷痛語調低吼讀出：「所以導致一條人命嘅犧牲呀？」，更是將憤怒、委屈及極痛情緒演繹得淋漓盡致，獲網民大讚演技進步神速及感染力十足之餘，更被力推入圍最佳女配角五強。
其實昨晚除了感動位，還有不少追逐、槍戰及爆破等大型精彩場面，張力十足！而隨著劇情發展，角色死亡人次亦與日俱增，單是昨晚一集，老鬼（李家鼎飾）、好好及Cyrus（Patrick Sir飾）便先後慘死，Cyrus最後與章琳（胡定欣飾）講數後慘遭反覆輾斃一幕更是相當震撼眼球，還未到結局周劇情已如此緊湊，令人更期待後續發展。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
