深圳食店蠱惑收費港人頻中招!買魷魚串偷偷收雙倍價錢 網民:專呃香港人

文: 溫藹紅
2023.09.02

深圳魷魚食店蠱惑收費!港人北上深圳大快朵頤,街頭小食向以平價著稱,但原來去深圳東門掃街都會被騙,有網民分享,早前於當地買魷魚串竟遭遇蠱惑店家,悄悄收取雙倍價錢惹熱議,驚訝發現有不有網民都曾經中招,直斥「好搵笨」!

深圳東門老街是當地掃街勝地,小食攤檔林立,有網民就於Facebook群組「深圳大灣區國內吃喝玩樂開心分享區」發文,分享自己於當地被魷魚串食店騙財經歷,並附上一張店家招牌相片。他指出,招牌上以大字標明「章魚腳」10元人民幣一串,購買一串,豈料店家掃電子支付二維碼時,竟收取雙倍價錢。

「因為佢地會有段細字寫個更貴嘅價錢喺上面,問佢幾錢時會ee (咦咦)哦哦聽唔到佢講乜咁答你,淨係叫你俾個code(二維碼)佢掃,以為10蚊掃完變20蚊」,令他極感無奈,「我中完招後面又有香港人再中招,真係要小心」。樓主又指自己其實中左2次招,直言「我覺得呢條街專呃香港人」。

貼文一出大批網民留言,並有部分港人表示曾經「中招」,並紛紛分享相似經歷,「我中過,明明寫住20元,畀拒掃完變左30元。然後我問佢不是20元嗎?他說我那個是大的,但我買時講明我要一份20元的」;亦有試過被騙的網民指「我同佢理論就俾多串,以後絕不幫襯」。

不過,招牌上顯示的章魚腳及章魚鬚收費不同,有人指「佢寫住魷魚腳十蚊,唔係魷魚酥!我食開嗰檔有寫明魷魚酥20蚊」,樓主就認為「佢上面有細字博啲人睇唔到」,籲大家買魷魚串時要留意清楚價錢,免陷「騙局」,亦有人建議直接給現金免去麻煩。

資料及圖片來源:FB@深圳大灣區國內吃喝玩樂開心分享區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓