深圳魷魚食店蠱惑收費！港人北上深圳大快朵頤，街頭小食向以平價著稱，但原來去深圳東門掃街都會被騙，有網民分享，早前於當地買魷魚串竟遭遇蠱惑店家，悄悄收取雙倍價錢惹熱議，驚訝發現有不有網民都曾經中招，直斥「好搵笨」！
深圳東門老街是當地掃街勝地，小食攤檔林立，有網民就於Facebook群組「深圳大灣區國內吃喝玩樂開心分享區」發文，分享自己於當地被魷魚串食店騙財經歷，並附上一張店家招牌相片。他指出，招牌上以大字標明「章魚腳」10元人民幣一串，購買一串，豈料店家掃電子支付二維碼時，竟收取雙倍價錢。
點擊圖片放大
「因為佢地會有段細字寫個更貴嘅價錢喺上面，問佢幾錢時會ee （咦咦）哦哦聽唔到佢講乜咁答你，淨係叫你俾個code（二維碼）佢掃，以為10蚊掃完變20蚊」，令他極感無奈，「我中完招後面又有香港人再中招，真係要小心」。樓主又指自己其實中左2次招，直言「我覺得呢條街專呃香港人」。
點擊圖片放大
貼文一出大批網民留言，並有部分港人表示曾經「中招」，並紛紛分享相似經歷，「我中過，明明寫住20元，畀拒掃完變左30元。然後我問佢不是20元嗎？他說我那個是大的，但我買時講明我要一份20元的」；亦有試過被騙的網民指「我同佢理論就俾多串，以後絕不幫襯」。
不過，招牌上顯示的章魚腳及章魚鬚收費不同，有人指「佢寫住魷魚腳十蚊，唔係魷魚酥！我食開嗰檔有寫明魷魚酥20蚊」，樓主就認為「佢上面有細字博啲人睇唔到」，籲大家買魷魚串時要留意清楚價錢，免陷「騙局」，亦有人建議直接給現金免去麻煩。
資料及圖片來源：FB@深圳大灣區國內吃喝玩樂開心分享區
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
