公屋舊式獨立冷熱水龍頭易燙傷 更換混合推桿式水龍頭要幾錢？咁做原來有手尾？

============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？

============
電視節目《東張西望》指出，現時全港大約尚有十萬戶和諧一型公屋單位嘅廁所，仍然用緊舊式獨立冷熱水龍頭，即冷水及熱水分別從兩個水龍頭出水，缺點係會成日畀熱水燙親，但即使更換了水龍頭，如節目中被訪者，住安蔭邨嘅魏女士就表示，因為條水管都熱，所以仍然會被燙親！而住大窩邨嘅鳳姐就話水龍頭時冷時熱，而且好難開。有住戶就索性將熱水水龍頭封住，避免小朋友誤開而被燙傷。

呢款舊式獨立冷熱水龍頭，使用時易燙傷，老人家更加話開關都有困難。

現時全港大約尚有十萬戶和諧一型公屋單位嘅廁所，仍然用緊呢款舊式獨立冷熱水龍頭。

有住戶即使更換了比較新嘅扭動式水龍頭，因為條水管都熱，所以仍然會被燙親！

公屋居民自行進行改裝   日後政府唔包你維修費
其實要解決問題，香港喉管從業員總會主席趙建強就推介住戶，應該改用冷熱混合推桿式水龍頭，唔會被燙親之餘，一個水龍頭就搞掂，要調節水溫亦好方便。更換呢款水龍頭連工包料，市價約$2,000或以下，整個工程約2至3 小時搞掂，加上房屋署有自己判頭同報價天書，應該會比市價平。

香港喉管從業員總會主席趙建強就推介住戶，改用呢款冷熱混合推桿式水龍頭，更換連工包料，市價約$2,000或以下，整個工程約2至3 小時搞掂。

但公屋住戶自行更換水龍頭，原來將來又會「有手尾」！立法會議員陳穎欣就表示，若公屋居民自行進行任何維修及改裝，日後政府係唔會再包你嘅維修費！而且日後你退還公屋嘅時候，住戶就要自費還原單位裝備，即要買返原來扭動式獨立水龍頭。

立法會議員陳穎欣就表示，若公屋居民自行進行任何維修及改裝，不單日後政府係唔會再包你嘅維修費！而且日後退還公屋時，住戶就要自費還原單位裝備。

text/Joyce
photo/ 電視節目截圖