好多香港人都有聘請外傭姐姐幫手做家務或照顧家人，但若果唔好彩，請咗一位會偷竊家中財物嘅外傭，的確引狼入室好頭痕！電視節目《東張西望》就訪問咗一位苦主黃小姐，印傭姐姐喺屋企偷錢，人贓並獲並且最後被判入獄……但事後印傭姐姐係咁追黃小姐畀回程機票錢同工資……究竟呢個情形下，僱主可以點做呢？
============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？
============
苦主黃小姐去年8月起請咗個外傭姐姐照顧中風母親，今年4月底家姐發現家中抽屜被人撬開咗，唔見咗約一萬蚊，黃小姐追問外傭，佢竟然直認係佢做嘅！咁叫佢嘔返啲錢出嚟，佢竟然打咗個幾鐘頭電話畀同鄉，但最後都係唔肯交出錢，於是黃小姐話要報警，報警前黃小姐仲已經打埋電話通知外傭中介公司，但外傭雖然喊晒道歉，但都係唔肯畀返錢出嚟，黃小姐惟有報警處理。報警後警方上嚟搜查，更有驚人發現：原來外傭行李入面，有大量其他外傭嘅護照，原來呢個姐姐借錢畀其他同鄉，然後攞咗人哋護照作抵押！警方話印傭又犯多一條罪！而呢位印傭姐姐自己本護照就被財務公司扣下！另一方面，原來受僱期間，姐姐原來一直有問黃小姐借錢，有啲錢都未還！最後警察就帶走咗呢個姐姐，受審入獄……
黃小姐發現家中印傭姐姐偷錢，而且警察仲發現姐姐行李入面，有大量其他外傭嘅護照，原來呢個姐姐借錢畀其他同鄉，然後攞咗人哋護照作抵押！
印傭姐姐仲有向黃小姐借錢，尚未還清。
黃小姐本以為事情告一段落，點知一段日子後，竟然收到外傭由獄中寄畀自己嘅親筆信，但不單唔係想還錢，而係向黃小姐追討機票錢！工人姐姐其實已經喺7月出獄返咗印尼，但黃小姐又收到印傭姐姐Whatsapp，要求黃小姐付回程機票錢！咁喺呢個情形下，僱主係咪真係有責任要畀回程機票錢及餘下工資呢？
據香港僱傭同業協會會長劉麗斯表示，喺合約條款入面，僱主係需要負責外傭嘅來回交通費，若果姐姐係自費畀，僱主係要畀返姐姐。如果係政府墊支，政府會係向僱主收回。而姐姐亦喺信中提及要追討8日工資，劉麗斯表示雖然姐姐已回印尼，但當時實在係有為僱主工作，所以係要付工資嘅！如果唔畀，其實姐姐係可以去勞工處投訴追討欠薪。黃小姐最後無奈都係要畀，惟有慨歎當買咗個教訓！
黃小姐竟然收到外傭由獄中寄畀自己嘅親筆信，但不單唔係想還錢，而係向黃小姐追討機票錢！
據香港僱傭同業協會會長劉麗斯（左）表示，喺合約條款入面，僱主係需要負責外傭嘅來回交通費，而餘下日子嘅工資亦係要畀嘅！
text/Joyce
photo/電視節目截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
