好多香港人一提起裝修，都曾有過不愉快經歷，無論係貨不對辦，過期交貨定係爛尾收場，真係錢又使咗，間屋又住唔到，的確係好麻煩！電視節目《東張西望》就搵到兩個幫襯同一間裝修公司而同樣被搞到裝修爛尾嘅苦主，講講親身經歷！亦有搵嚟律師，話畀大家知，如果不幸遇上裝修爛尾，可以點樣去索償。
============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？
============
苦主李小姐住喺一個190呎嘅公屋單位超過10 年，去年年底花盡積蓄嚟個大裝修，希望新裝修係日式簡約設計，有溫暖嘅感覺，並且可以有空間收納自己大量雜物。李小姐由舊同事介紹設計師阿Jun，起初阿Jun表現搏得李小姐信任，阿Jun 10月第一次上門度呎，李小姐11月中就同設計公司簽約兼落咗約一半約10萬蚊訂金，當時講好裝修費用分期繳付，第一期付一半，第二期付三成，最後裝修完成有傢俬後，再付尾數二成。但裝修期間設計師一路係咁追問李小姐攞錢，但工程龜速，本來預計三個多月嘅工程，變成約半年都未完成，李小姐由希望變絕望，而家單位連一件傢俬都無，李小姐要瞓梳化床，雜物無拆箱，放滿全屋，無枱亦無位放電視機。李小姐前後共畀咗裝修連傢俬約20萬，租酒店及迷你倉等約6萬。
李小姐本來訂咗幾個雜物櫃及衣櫃，但而家下落不明，所有雜物惟有咁樣原箱放喺屋企。
而家李小姐要瞓梳化床，無枱用亦無位放電視機。
唔畀錢唔繼續做嘢 全屋被整爛仲要搵其他公司收搭殘局
另一苦主張太，今年3月買入東涌新居屋，搵咗同一間設計公司，本來諗住係懷舊美式風情設計，報價同講解都好正常，阿Jun 仲立刻畀咗Floor Plan過張太睇，張太「被阿Jun 一番熱情所感動」，就畀咗5成約10萬訂金。阿Jun 仲表示會有VR監工，張太唔使經常上門監工可以知道工程進度，但張太表示成件事未出現過。但阿Jun整爛晒間屋，一再推遲工程開始日期，一直拖到6月先正式開工。6月尾又SEND張廁所相要向張太攞錢，但張太竟發現相中廁所，根本唔係佢間屋！但阿Jun推搪話相片係師傅畀佢而推卸責任。但阿Jun繼續問張太攞錢，仲恐嚇話如果唔畀錢會唔繼續做嘢！後來阿Jun仲人間蒸發！而家工程爛尾，張太惟有搵另一間裝修公司收搭殘局，仲要畀多廿幾萬，警察同海關都幫唔到手。
張太購入居屋，本來希望走懷舊美式風情設計，結果搞咗幾個月，仍然係爛屋一間。
最離譜係設計師send廁所工程相畀張太要求攞錢，但張太發現個廁所根本並非佢屋企。
而呢個設計師阿Jun而家下落不明，設計公司亦人去樓空，節目組跟進調查，發現涉及連串爛尾工程嘅苦主約有十幾人，涉及金額達幾百萬。節目搵到同公司嘅拍檔楊小姐，現在涉及多宗小額錢債案，都話畀阿Jun呃，由5月中開始發現對方行踪神秘，兼且有私自修改公司單據，並將公司戶口改成個人戶口，楊小姐亦已就此事報警，警方話會循盜竊公司款項及虛假文書嘅途徑調查。而由於苦主不斷提供資料，楊小姐得知阿Jun私吞好多工程錢而再報警。
設計師阿Jun而家下落不明，設計公司亦人去樓空，更離譜嘅係佢私吞工程費用，連同公司嘅拍檔都畀佢呃埋。
講到萬一遇上裝修爛尾可以點索償，蘇文傑律師就話可循刑事及民事兩方面去追討。首先要睇吓件事有無涉及刑事成份，例如收到裝修宣傳單張，講明點樣裝修，但最終違反咗「商品說明條例」，就可能要搵海關執法，對方收咗錢無提供合理服務，或者服務無符合商品說明，可能干犯咗欺詐罪！除咗刑事追討，有關民事追討所有相關款項，如要額外住酒店嘅開支或搵其他裝修公司執手尾等，呢啲費用可以一併追討。
萬一遇上裝修爛尾可以點索償，蘇文傑律師就話可循刑事及民事兩方面去追討。
text/Joyce
photo/電視節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
