香港一直存有住屋租金昂貴而公屋供應又長期不足的問題，若然未輪候到公屋而又難以負擔昂貴的租金，選擇到深圳租樓住又會否為一個好方法？早前有網民於Facebook一個公屋群組上發文，表示自己屬於單人申請公屋，對上樓感到遙遙無期，想效法同事到深圳租樓住的做法，便引起一眾網民對港人到深圳租樓住這個做法的熱烈討論！
============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？
============
2,500元深圳租到一房一廳單位？ 每月往來深港車費佔3,600元？
該名網民於Facebook「公屋討論區」上發文，表示自己有北上到深圳租樓居住的想法，亦指出在深圳只需2,500元便可租住到一房一廳並配有獨立廁所的單位，另每月乘搭高鐵來回兩地的車費則約3千多元：「非長者1人上公屋，遙遙無期。近排發現有同事(佢單身)，去深圳北租樓住，每日喺西九龍搭高鐵來回返工，聽佢講過關連車程大概半個鐘時間。每個月高鐵車費3,600左右，一房一廳，獨立廁所，租金2,500，好大，住深圳飲食買野(嘢)又平。我都諗緊學佢，但對深圳又完全唔熟」
有正在輪候1人公屋單位的網民認為上樓無期，從而產生出到深圳居住的想法。
網民指出在深圳每月租住大面積的一房一廳單位只需2,500元，到港工作每月的交通費則約3,600元，而過關連車程亦只需大概半小時。
支出其實相差不大？ 申請過渡性房屋更好？
帖文引起不少網民對這個在港工作，深圳居住的方法熱烈討論，有網民認為在深圳居住連同車費後，其實支出與在港居住亦相差不大：「人學你又學，計返啲車錢咪又係同香港差唔多，有分別咩」、「6,000幾，一個人香港租的都差唔多啦，何必舟車勞頓」，有網民則提議留港申請過渡性房屋會更好，不必每日奔波：「我覺得一人申請過渡性房屋住好過去深圳住，深圳雖然間屋大滴(啲)，但日日返工其實都系(係)得返去睡覺，唔使甘(咁)奔波每天過關」
有網民指連同車費在深圳居住需6,000多元的支出，其實亦與在香港租樓住相差無幾。
有網民則建議申請過渡性房屋比起到深圳居住更好，可避免每日都需奔波地往返兩地。
深圳居住環境更好？ 較適合於邊境地區上班人士？
而有網民就認為在香港6,000多元只能租住非常細小的劏房，同一價錢下在深圳租樓能有好幾倍的居住環境：「此方法只係針對排唔到公屋嘅人，你喺香港6,000幾蚊租個蚊型劏房，環境又差，你上面2,500加埋3,600車錢，已經住得好過香港幾倍。計埋水電費，買野(嘢)食，差距幾大」，亦有網民認為這個做法較適合於長期在大埔、粉嶺、屯門等地工作的人：「如果係諗住長期係大埔粉嶺屯門返工，係(住)深圳係舒服啲，往返冇咁辛苦」
有網民認為同為花費6,000多元的情況下，於深圳租樓會有更好的居住環境，反之在香港只可租住到環境惡劣的劏房。
而有網民則認為港人在港工作，但到深圳居住的做法會較為適合在大埔、粉嶺、屯門等鄰近內地邊境地區上班的人士。
text/Jonathan
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
