經濟市道唔好，大家都惟有買吓六合彩當買個希望！根據香港賽馬會日前公布嘅2022/23年報，六合彩嘅投注額大幅增加達29%，但更出人意表嘅係：無人認領嘅彩金金額，竟然高達4,400萬！不過竟然破唔到2020年嘅記錄，大家估吓當年究竟有幾多彩金無人領取呢？無人領取嘅六合彩同賽馬彩金，又會去咗邊度嘅呢？
============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？
============
根據香港賽馬會日前公布嘅2022/23年報，隨着六合彩獎券自2022年7月底起恢復返每周攪珠3次後，年度嘅投注額持續回升，六合彩投注額更大增29%至75億港元，但投注額仍低於疫情前、2018/19年度嘅84億港元；不過，整體博彩及獎券投注額則上升5.1%至3,048億港元。但最估唔到嘅係：中咗獎而唔記得咗去投注站領取派彩嘅大懵人士亦明顯增加！無人認領嘅六合彩彩金款額，竟然由2021/22年度嘅3,000萬港元，升至2022/23年度嘅4,400萬港元，比上年度增加46.6%，亦是連續兩年有所增幅！而近年來無人領取嘅六合彩金額，以2020年季度最多，竟高達8,800萬，而前年2021年則最少，只有1,900萬。
隨着六合彩獎券自2022年7月底起恢復返每周攪珠3次後，年度嘅投注額持續回升，六合彩投注額更大增29%至75億港元。
而無人認領嘅賽馬彩金，則有3,700萬港元，對比上年度嘅2,500萬港元，亦增加咗48%！一如以往嘅做法，無人認領嘅六合彩彩金，將會撥入金多寶彩池；而無人認領嘅賽馬彩金及退款，將撥作慈善用途，直接支付予信託基金。
無人認領嘅六合彩彩金，將會撥入金多寶彩池。
無人認領嘅賽馬彩金有3,700萬港元，對比上年度嘅2,500萬港元，亦增加咗48%！無人認領嘅賽馬彩金及退款，將撥作慈善用途，直接支付予信託基金。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
