七師傅餵關智斌飲洗腳水!指佢入錯行做呢樣先賺大錢?

文: 黃樂恩
2023.09.07

近年關智斌(Kenny)專注在內地發展,事業如意狂賺大錢,更不時會在YouTube節目《斌菲特訓班》上分享各項投資心得。在5日播出的新一集中,關智斌找來了同樣鍾情投資的七師傅,當日七師傅除了以玄學角度分享了幾個投資小貼士,其後更特別為關智斌炮製一杯「黃金水」 ,希望為他增添財氣?有興趣可入內文睇睇啦!

在《斌菲特訓班》最新一集中,關智斌帶了果籃上門拜訪七師傅位於西貢的獨立屋豪宅,熱情好客的七師傅一開門見到他,就馬上撓著他的手臂,帶關智斌到屋內參觀。其後七師傅更拿出一條足金金條出來,表示要為他特別炮製一杯黃金水,「呢個係純金嚟㗎,差唔多二十萬嘅純金,用嚟浸啲水畀你飲。」

關智斌聽到金條的價值已經嚇了一跳,七師傅續指,「我要洗吓,乾淨啲呀,因為有時都攞腳去踩佢㗎。」同時她也表示自己平時都會用來浸水飲,但喝的是另一條更大的金條,並順手在廳中拿起多條小金條給關智斌,「你玩下先,因為啲客嚟到我屋企都係玩金嘅,玩下啦,唔緊要㗎,捉下啦,呢啲都係玩具嚟㗎,玩下先啦!」

沒想到七師傅沖好水後,更親自餵關智斌飲水,「我餵你飲,我知道你唔敢飲,唔使驚唔使驚。What do you feel呀?」關智斌回應道:「嘩!好多礦物質呀!I feel so blessed!我依家好有仙氣呀!」

其後七師傅親自帶關智斌到屋內參觀,影片中可見,這棟獨立屋豪宅裝潢設計簡約,採用雲石地板,落地大玻璃更可以飽覽無敵海景,背山面海,環境清幽,「好似一幅山水畫」。但最讓關智斌沒想到的是,七師傅家中遍地黃金,無論是在地下、窗台邊、茶几等地方都有,難怪就連七師傅都說「隨手執都執到一塊」。

當日關智斌還請教七師傅甚麼是「九運」、自己適合甚麼行業等等問題,七師傅表示,「見到你個八字都係缺一啲火嘅元素,九運係屬火,對娛樂行業、美容行業都旺,網絡、電子、電腦都係屬火。你都適合做一啲按摩,如果我真係指一條光明大路俾你,你就要做養生按摩一類,你一定賺好多錢!」關智斌聽到後即說:「原來我入錯行!幫人出火、出骨火。」

其後七師傅又指出他需要偏財運,可以針對女人下手,特別是中女,命格中會得到很多女人幫助,「所以你要圍住女人轉,中女你就黐過去。」對於七師傅的說法,關智斌也深表認同,「我公司幾個高層全部都係女人。」

來源:YT@關智斌 Kenny Kwan

同場加映:【今期Chill抵】

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓