提提大家：第19屆亞運會將於本月23日至下月8日舉行！而香港更會派出歷來最大規模嘅運動員代表團，共681人參加40個項目，當中包括我哋好熟悉嘅攞獎牌希望，包括以張家朗領軍嘅男子花劍隊、200米自由泳世界紀錄保持者何詩蓓、空手道運動員劉慕裳等，如果諗住到時會一大班朋友邊睇邊大聲為運動員打氣嘅話，除咗喺屋企或商場睇直播，原來仲可以揀康文署轄下36個體育館嘅直播區睇比賽喎！
============
同場加映：
【家事達人】專家教路！自己洗車有咩技巧？ 由車頂洗起更有效率？剛停車切忌先洗車軚？
============
香港隊喺今次杭州亞運，派出歷來最大規模嘅930人代表團出戰，當中包括681名運動員參與40個體育項目，當中包括多名東京奧運獎牌嘅得主，例如張家朗將出戰男子花劍個人賽及領軍進擊團體賽金牌、東京奧運兩銀得主何詩蓓將力爭個人首面亞運獎牌、空手道運動員劉慕裳亦會挾着今屆亞錦賽冠軍出戰、三名乒乓球女將杜凱琹、李皓晴及蘇慧音，將再次攜手角逐個人及團體獎牌。
張家朗無論喺男子花劍個人賽，定係同其他劍擊運員參加團體賽，都係金牌希望呀。
東京奧運兩面銀牌得主何詩蓓，將力爭個人首面亞運獎牌。
如果想約埋一大班朋友一齊睇兼為運動員打氣，屋企客廳又唔夠位坐嘅話，不妨考慮吓去體育館。康文署宣布亞運會期間，將於轄下36個指定體育館設立「亞運直播區」播放亞運會賽事。本月23日將於8pm起開放，翌日至10月8日期間將於8am至10:30pm開放。
36個指定體育館包括香港公園體育館、士美非路體育館、柴灣體育館、渣華道體育館、香港仔網球及壁球中心、黃竹坑體育館、港灣道體育館、黃泥涌體育館、佛光街體育館、土瓜灣體育館、彩榮路體育館、鯉魚門體育館、北河街體育館、深水埗體育館、彩虹道體育館、蒲崗村道體育館、九龍公園體育館、大角咀體育館、梅窩體育館、東涌文東路體育館、林士德體育館、青衣西南體育館、聯和墟體育館、保榮路體育館、香港單車館、調景嶺體育館、美林體育館、源禾路體育館、大埔墟體育館、大埔體育館、荃灣體育館、蕙荃體育館、賽馬會屯門蝴蝶灣體育館、友愛體育館、天水圍體育館及元朗體育館。
沙田源禾路體育館及位於金鐘嘅香港公園體育館，均會喺亞運會期間開放直播區。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
