日式神石燒餐廳推$38鐵板餐+無限添加飯湯!1個原因轉做鐵板?網民有讚有彈

文: 溫藹紅
2023.09.15

$38日式鐵板餐!最近香港一間日式神石燒餐廳品牌推出半價優惠,最平$38就可以食到一份鐵板扒餐,涵蓋美國雞扒、法蘭克福腸、澳洲牛扒等各款肉類,而且可以無限添加飯湯,有網民直言此價錢當抵食,然而都有食過的網民認為質素一般,更留意到餐廳主打石燒,現時卻頻推鐵板餐,其中1個原因引熱議?

香港食鐵板餐不甚便宜,不過有大埔街坊於Facebook群組發帖分享,發現主打日式石燒肉扒的「神石燒牛扒專門店」大埔八號花園店,最近推出鐵板系列半價優惠。樓主留言表示「呢個價錢,呢個份量抵食」,又表示「只係淋汁果下有煙,食鐵板都預咗」。樓主吃的是3號餐,加一埋單$109,從相片中可見,鐵板餐肉扒賣相不錯,而且份量算是大份,連樓主都大讚整體不差。

從餐廳海報可見,優惠涵蓋5款鐵板套餐,包括美國雞扒拼法蘭克福腸、神石經典鐵板、神石澳洲牛扒鐵板等,每份優惠價$38起就食到,最貴則為$163,可以自行選擇蒜蓉汁、黑椒汁或神石汁,而且所有套餐更加無限添加飯湯,吸引不少網民留言。

$38可以食到扒餐,有大批網民指「抵食呀」,又形容鐵板餐「大大份」、「早兩日我都試過,係幾抵食,味道都ok呀」、「食鐵板餐係邊到搵到咁平㗎」;但都有人持相反意見,認為「我食$91果個餐,埋尾收埋加一,一共$109,覺得好難食」、「份量足,價錢抵,食物質素一般(腸仔鹹到食唔到)」,直言短期内不會再去。

當然味道好食與否其實見人見智,有網民反而重點留意為何餐廳主打石燒,現時卻力推鐵板燒?綜合早前網民於平台上的各樣評論,有人認為石燒「太大煙」因而減低光顧意慾,「真係不了,唞唔到氣好似自殺咁」、「真係大煙到坐係到食好似比佢哋煙燻緊」,認為食油會飛濺全身甚感麻煩,更有人揣測此舉屬「拼死一戰」,「鐵板餐做呢個價,食材冇減價, 得兩個可能性,自己賺少啲希望薄利多銷,一係入低價食材維持營運」,更建議不如轉型做快餐。大家又覺得如何呢?

神石燒きビーフステーキ專門店(大埔店)  詳情

大埔八號花園店
地址:大埔安慈路2號八號花園地下4號舖

資料及圖片來源:FB@大埔 TAI PO

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓