房屋署上周公布咗今年嘅「特快公屋編配計劃」提供約2,000個單位，申請人超額近15倍，要約16人爭一個單位，剛剛公布咗供二人或以上家庭申請者揀選嘅公屋單位名單，雖然話「特快公屋」單位可以係間隔或設施騎呢，不過當中又的確係有「凶宅」存在，以今年供選擇嘅單位為例，就包括咗11個曾發生兇殺案嘅單位，包括大窩口邨富貴樓、葵涌邨映葵樓、石籬二邨石偉樓及友愛邨愛暉樓等，星期三起就開始揀樓，真係要留意吓喇！
============
同場加映：
【家居達人】窗戶篇！專家教颱風來襲6大必知 打風漏水緊急處理、點黐膠紙最有用？DIY驗窗法
============
公屋輪候時間大約要5.3年，因此一年一度嘅「特快公屋編配計劃」成為唔少公屋申請人嘅「上樓捷徑」。申請人揀選單位時不受地區限制，以自選單位形式進行。其實呢啲被選中嘅特快公屋單位， 部分嘅環境、交通、社區服務、購物及醫療設施等方面都十分理想，但當中確實有部分單位曾涉及不愉快事件，例如兇殺案、自殺、意外身亡、自然身故、追討欠債等；又或層數、座向、以至單位設計等較為遜色。
被選中嘅特快公屋單位， 部分係層數、座向、以至單位設計等較為遜色，但當中確實有部分單位曾涉及不愉快事件。
二人或以上家庭申請者星期三起就開始揀樓，值得留意吓「凶宅」位置！
房屋署剛公布咗今期「特快公屋編配計劃」供二人或以上家庭申請者揀選嘅公屋單位名單，今年有11個曾發生兇殺案嘅單位，被納入特快公屋編配計劃的名單內，分別喺海富苑海欣閣、海韻閣、大窩口邨富貴樓、葵涌邨映葵樓、天恒邨恒健樓、彩虹邨紅萼樓、朗屏邨賀屏樓、石籬二邨石偉樓、友愛邨愛暉樓、彩雲二邨瓊宮樓，以及廣福邨廣仁樓。這批單位租金介乎1,355至4,114元，當中有7伙獲租金優惠。
今期「特快公屋編配計劃」有11個曾發生兇殺案嘅單位，包括海富苑海欣閣。
大窩口邨富貴樓
友愛邨愛暉樓
呢11個「凶宅」中，兩個最新上榜單位，均位於去年發生過命案嘅大角咀海富苑，分別為海欣閣高層和海韻閣中層單位，前者懷疑爆出「三角戀」桃色糾紛，疑兇向死者淋懷疑通渠水後，再亂斬對方十多刀，最後自己亦被灼傷致死；後者則發生懷疑七旬老翁不堪照顧患精神病女兒壓力，而發生殺女倫常慘案。另外有4個「凶宅」單位疑之前曾被揀走，相隔一年後再度上榜，包括曾生情殺案嘅屯門友愛邨愛暉樓、「母子戀」兇案嘅牛池灣彩雲二邨瓊宮樓單位等，至於曾連續第六年上榜嘅沙角邨綠鷺樓一個兇殺單位，則再無出現喺名單之上，估計已被揀走。
-----------------------
表
「特快公屋編配計劃」11個疑似「凶宅」名單及租金資料
| 地點 | 面積（平方米） | 租金 | 租金優惠 | 曾發生事件 |
| 海富苑海欣閣2604室 | 39.74 | $3,794 | 0 | 2022年11月，疑兇懷疑同屋住客與其女朋友有染，向對方淋懷疑通渠水，再亂斬10多刀將對方劈死，疑兇同樣全身灼傷，最終不治。 |
| 海富苑海韻閣1415室 | 43.26 | $4,114 | 0 | 2022年3月，七旬老翁疑獨力照顧患精神病女兒，被女兒襲擊後，疑因壓力太大激動還手，誤將女兒扼至窒息死亡。 |
| 彩虹邨紅萼樓217室 | 24.1 | $1,562 | 8個月 | 2022年，男子疑因未能還清債務，被人用刀插死。 |
| 彩雲二邨瓊宮樓1202室 | 39.76 | $2,558 | 12個月 | 2015年4月，一對同居男女疑爭執持刀互斬，事件中男子死亡。 |
| 大窩口邨富貴樓1410室 | 28.61 | $1,764 | 12個月 | 曾於2008年或以前發生兇殺案。 |
| 葵涌邨映葵樓104室 | 39.74 | $3,648 | 12個月 | 2020年9月，媽媽疑因照顧壓力爆煲，以垃圾膠袋或膠枱布綁繩勒斃智障兒子。 |
| 石籬二邨石偉樓1611室 | 39.79 | $3,661 | 0 | 2011年2月，七旬死者疑被內地來港妻子以長棍仆頭奪命。 |
| 友愛邨愛暉樓1220室 | 35.12 | $1,634 | 12個月 | 2009年5月，一對情侶疑濫藥後失常互斬，最後女死男命危。 |
| 朗屏邨賀屏樓2104室 | 30.45 | $1,465 | 8個月 | 2022年2月，67歲婦人被丈夫毆打，因頭部重創不治。 |
| 天恒邨恒健樓3414室 | 34.44 | $2,295 | 0 | 2019年10月，16歲女童被母親施以藥物及以刀襲擊，當場死亡。 |
| 廣福邨廣仁樓1326室 | 23.12 | $1,355 | 12個月 | 曾於1998年發生兇殺案。 |
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
