近年經常聽到有「過渡性房屋」項目落成，不過地點多數位於郊區，離港鐵車站較遠，交通有點不便。不過今次介紹嘅過渡性房屋項目「德薈III」，係由舊酒店改裝而成，位處深水埗區，徒步幾分鐘就到深水埗同南昌港鐵站，途經巴士及小巴路線又多，去香港各區都好方便；而且附近又多嘢賣又多好嘢食，配套設施唔錯，究竟點樣先符合申請條件呢？房間入面有乜嘢設備？可唔可以煮食？有無管理員㗎？即刻睇片啦！
由酒店改裝而成的過渡性房屋項目「德薈III」，位於深水埗，最大優點是生活配套超方便，徒步約3分鐘就到公園，徒步約10分鐘，就到深水埗港鐵站、鴨寮街及港鐵南昌站，而南昌站還有大型商場，附近有大量巴士及小巴路線途經，去那一區都很方便！
由「德薈III」徒步約10分鐘，就到深水埗港鐵站、鴨寮街及港鐵南昌站。
徒步約3分鐘就到公園。
這裏提供了48個單位，全部為一人及二人單位，單位面樍由92至103平方呎，備有獨立浴廁；而除了提供住宿，德薈III入面有公共活動空間，透過社工為住客舉辦如手工班等活動，讓住客們有更多聯繫。有關入住德薈III的種種疑問，由香港路德會社會服務處機構發展主任朱家賢為大家解答。
香港路德會社會服務處機構發展主任朱家賢
Q1.其實有乜嘢資格，先可以申請入住過渡性房屋呢？
我們根據房屋局指引，其實都分為兩個類別，甲類為輪候公屋3年或以上人士，乙類為居住在不適切住房的人士；德薈III亦有為身體有特殊需要人士而設的無障礙房間，可按申請人身體狀況的需要，經社工評估，合資格的話，也可以入住。
Q2.房間入面有乜嘢設施？如果入住嘅話，住客需要自備乜嘢用品/家具？
單位入面的布置及設施，跟從酒店房間規格，有電視機、小型雪櫃及儲物櫃，入住人士可自行攜帶需要的小型家電及日用品。
Q3.房間內可煮食嗎？
根據酒店房間條例限制，房間內不可煮食！但大堂有微波爐及蒸焗爐，供住客使用，翻熱食物。
Q4.租金幾多？仲有無其他收費？
基本租金由$3,700至$4,250，已包括Wi-Fi服務，除了租金外，而水、電、煤及管理費，就會有另一個收費。
Q5.如果住客想單位內有輕微間隔改動，或添置家具，可以嗎？
單位入面其實不可以有任何改動，但住戶都很有生活智慧，會自行設計收納空間去增加儲存量，但只要不影響到現有傢俬裝置，可以自己加櫃仔！
Q6.德薈III有無管理員？日常垃圾會點樣處理？
德薈III其實有保安員廿四小時服務，會定時去巡邏，室內多處都有閉路電視；至於垃圾方面，在公共空間有工友幫手清潔，而住戶們都很自律，產生的垃圾，都會在我們的指定地點棄置及收集。
Q7.若單位有維修問題，住客可以點樣做？
如果即時要處理的話，可以先通知保安員，如果在辦公時間內的話，可以聯絡辦事處職員再作深入了解。
Q8.有無住客曾被中止喺德薈III居住呢？
住戶都很自律，而我們亦定時有通告發放，住戶都可以掌握資訊互相配合，暫時都未有住戶，因為犯規或不配合準則而被趕走。
即將推出「雙魚薈」及「七星薈」 有迷你超級市場及自助洗衣房
另一方面，香港路德會社會服務處行政總裁雷慧靈博士透露，路德會即將會在雙魚河附近，推出過渡房屋項目「雙魚薈」，可在年底入伙；另一個在八鄉七星崗村，叫「七星薈」，明年年初就可入伙。前者是由共兩座樓高四層、用組合式房屋興建的過渡性房屋，考慮到有不同家庭的需要，所以有不同類型房間，例如有一人、一至二人、二至三人、三至四人的房型，亦有無障礙單位。入面會配備冷氣機、熱水爐及電磁爐，有獨立的廁所及開放式廚房，並考慮到居民的日常需要，所以會提供迷你超級市場及自助洗衣房，亦會有多用途活動室及溫習室，戶外亦會有花園及緩步徑。
香港路德會社會服務處行政總裁雷慧靈博士
即將於今年底及明年初入伙的過渡性房屋項目「雙魚薈」。（香港路德會過渡性社會房屋項目facebook）
【INFO】
德薈III
網址：https://www.hklss.hk/hk/service-information/transitional-housing-projects/1261-the-concordia-iii
text/Joyce
photo/Ricky
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
