前幾日漁農自然護理署發現喺港島南區水域有鯨魚出沒，呢件事引起好多對留意自然生態嘅人關注，一向好奇心爆棚嘅香港人，可能好想親身一睹鯨魚真身，甚至想租船出海觀鯨，但原來咁樣做，不但有機會進一步傷害鯨魚，而且隨時會觸犯法例，可能會被被判監最高達一年及罰款十萬㗎！
============
同場加映：
【家居達人】窗戶篇！專家教颱風來襲6大必知 打風漏水緊急處理、點黐膠紙最有用？DIY驗窗法
============
漁農自然護理署星期一與相關部門及香港海洋公園保育基金前往港島南區水域巡查，並在政府飛行服務隊協助下，曾在傍晚時份喺相關水域發現有鯨魚出現，但其後失去蹤影。但漁護署指從拍攝得到嘅照片所見，鯨魚背部有傷口，健康情況令人關注。漁護署正努力從海空尋找鯨魚，以確定該鯨魚的位置、品種及健康狀況等，並密切監察其情況，進一步評估鯨魚健康狀況，並聯同專家商討幫助到鯨魚嘅合適措施。
而香港海豚保育學會會長鄭家泰就估計，該條鯨魚有機會係侏儒抹香鯨或小抹香鯨，但現有資料太少，無法判斷鯨魚屬成年或仍屬幼年期，鄭家泰指侏儒抹香鯨多數喺深海出沒，如果游至近岸，行動會變得緩慢，現階段難以判斷今次出沒嘅鯨魚出現傷口嘅實際原因，但目前睇似乎無急切需要接受治療。他指侏儒抹香鯨被捕捉時反應激烈，有機會咬人，亦會以噴墨嚇退敵人，或對動物造成傷害，唔建議署方或海洋公園捕捉鯨魚作治療。
香港水域內極少會出現鯨魚，因此每次有鯨魚出現，都會引起保育人士及好奇嘅市民關注。
2003年7月，不少市民前往觀看擱淺嘅抹香幼鯨屍體並且當作打卡活動。
如喺海上發現鯨蹤 必須保持唔少於100米距離
另外，漁護署發言人亦勸喻市民唔好坐船出海觀看或追蹤喺香港水域出沒嘅鯨魚，市民假如喺海上發現鯨魚出沒時，必須保持唔少於100米距離，並減慢船速盡快離開，否則政府人員可能會採取執法行動。所有鯨豚動物均受《野生動物保護條例》（第170章）保護，不負責任嘅觀鯨行為可能構成故意干擾受保護野生動物，違者一經定罪，最高可被判監禁一年及罰款十萬元。現時漁護署聯同水警及海事處，已經喺曾發現有鯨魚出沒嘅海域，派員加強巡邏，在場嘅政府人員會指示接近鯨魚嘅船隻離開，並會對拒絕合作的相關人士採取執法行動，以確保鯨魚不會受到船隻滋擾。鄭家泰亦呼籲市民唔好出海觀鯨，同時希望警方或漁護署安排水警船，限制船隻進入鯨魚所在500米範圍內，並長遠檢視目前嘅觀鯨守則。
漁護署發言人勸喻市民唔好坐船出海觀看或追蹤喺香港水域出沒嘅鯨魚，假如喺海上發現鯨魚出沒時，必須保持唔少於100米距離，並減慢船速盡快離開，否則政府人員可能會採取執法行動。
不負責任嘅觀鯨行為，違者一經定罪，最高可被判監禁一年及罰款十萬元。現時漁護署聯同水警及海事處，已經喺曾發現有鯨魚出沒嘅海域，派員加強巡邏。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
