Subway三文治走包？快餐店走醬、走青聽唔少，然而最近就有港女實試食Subway三文治叫「走包」，成功由食包變食沙律，不過走包並非按三文治原有價格收費，反而要加錢才可以改成沙律，令不少網民甚感不解。除了This This熱潮再被重提，有人則認為「加錢」尤如譚仔轉菜底一樣，引起熱議。
最近一名女網民於Facebook群組「香港茶餐廳及美食關注組」發帖，分享自己去Subway買三文治叫「走包」，最後成功加$6轉為沙律，指「唔食包嘅我終於試左，又ok喎」。至於提到店員詢問要哪款醬時，她指自己叫走醬，食用時更發揮創意自行加餸，加入牛油果以及溏心蛋，並附上多張「走包」後的外賣相片。
從相片中可見，沙律包括有芝士碎、番茄薄片、生洋蔥、青瓜等，面上鋪放了數塊剪成條狀的雞扒，幾乎裝滿整個外賣盒。樓主指出，自己點的是SUBWAY「Roasted chicken（烤雞）三文治」走包，沙律內均為該三文治原本的搭配材料，驟看份量不算少。
點擊圖片放大
如此新奇的Subway食法，吸引不少網民讚好兼討論。有網民相當驚奇，表示從未想到可以叫「走包」、「長知識了」；然而都有網民甚為不解，「唔食包食乜subway?」樓主就覺得「起碼知自己食緊乜，快餐有原型食物好難得」。
至於「走包」要加$6，不少人表示不理解，「點解走包都要加錢」、「即係好似譚仔唔要麵轉菜底」，但都有網民認為可以試叫。與此同時，Subway點餐的This This熱潮亦再被重提，有人笑指今次講「This this this, no bread」，相當緊貼潮流！
資料及圖片來源：FB@香港茶餐廳及美食關注組、FB@Subway HONG KONG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
