阿媽好多時都會苦口婆心咁勸你：「唔好亂咁使錢買埋晒啲無謂嘢，盡量儲多個錢！」，阿媽嘅人生經驗幾時都無錯嘅，近期一間保險公司進行嘅一個有關亞洲不同地方人民儲蓄習慣嘅調查報告，竟然發現香港人原來係5個調查地區中，儲錢意向最低！咁邊個國家人民最識儲錢呢？如果以年紀來劃分，邊個年齡層嘅人嘅人最有意慾儲錢呢？如果預留嘅資金可以自由使用嘅話，大家會揀點樣用啲錢呢？
===========
同場加映：
【家居達人】港人自發！即棄電池回收計劃
============
保誠剛發布嘅「成就非凡人生：亞洲財務計劃調查」，喺香港、印尼、馬來西亞、新加坡及泰國5地共調查了5,000名受訪者，有超過一半(60%)嘅人表明決心儲錢，原因係體驗到疫情持續對社會及經濟帶來嘅影響，特別要儲錢應對健康及收入方面突發嘅狀況。若按國家或地區劃分嚟睇，馬來西亞居民嘅儲蓄意向最高，有67%受訪者指會積極預留資金以備不時之需，反觀香港則是5地中儲蓄意向最低，只有52%人儲錢。
根據是次調查，原來馬來西亞人係5 個被調查地區中最有決心儲錢。
若果以出生年代嚟劃分，調查中嘅Y世代（出生於1980年代初期至1990年代中期出生）嘅應急儲蓄意向最高，接近四分之三（74%），而Z世代（1990代中期至2010年代初出生）的則只有49%，即使係年紀比較大嘅X世代（1960年代中期至1980年代出生）都只有62%，而嬰兒潮一代（泛指1940年代中期至1960年代中期出生）亦只有49%。
咪以為係愈老愈有意慾儲錢，原來Y世代比起年紀較大嘅X世代及嬰兒潮一代嘅人，應急儲蓄意向最高。
有買保險嘅人更有儲錢意向 理財規劃師建議要預留3 個月生活費
調查結果亦顯示，有購買保險嘅人儲蓄意願亦相對較強，有三分之二（66%）嘅投保者表示會儲蓄以備不時之需，反而無投保者則只有39%表示會儲蓄應急。超過四分之三（76%）嘅受訪者表示，購買保險嘅主要目的，係因為保險可以提供重要嘅財務安全網。而喺5,000名受訪者當中，近80%擁有健康保險、46%擁有可以替代收入嘅保障，表明保險可保障個人一旦遇到突發情況時健康及賺錢能力所受嘅影響。此外，近三分之二（62%）嘅受訪者表示，購買保險是為咗預防當地嘅流行病，而半數受訪者則因為有「家族病史」而決定購買保險。
調查亦顯示，有購買保險嘅人儲蓄意願亦相對較強，有三分之二（66%）嘅投保者表示會儲蓄以備不時之需。
被問到假如唔需預留資金應急嘅話，資金會優先用於邊方面時，有半數(49%)受訪者表示，希望未來可以將更多嘅錢留作儲蓄，以運用於應付退休生活所需支出，31%嘅受訪者表示想去更多的地方旅行，有28%受訪者則希望可以為子女提供更優質嘅教育，26%嘅受訪者則會考慮購買物業或改善居住環境。
被問到假如唔需預留資金應急嘅話，有28%受訪者則希望可以為子女提供更優質嘅教育。
面對通脹及加息壓力，健康問題、收入減少甚至失業，香港人懂得未雨綢繆，要有足夠金錢儲備，先能夠應付突如其來狀況。美國嘅理財規劃師 Christopher Lyman就建議，雙收入家庭要預留3到6個月生活費用，即使其中一個收入者失去工作，仲可以有其他收入來源應付家庭日常開支，至於只有一個收入者嘅家庭，則最好有6個月至9個月的儲蓄。
近年經濟環境欠佳，面對突如其來嘅收入減少甚至失業，要有足夠金錢儲備未雨綢繆，雙收入家庭要預留3到6個月生活費用，單收入者家庭則最好有6個月至9個月的儲蓄。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
