拿著大型行李喼坐的士，一般都需要將行李放車尾箱，有時或會遇到好心司機幫忙協助搬抬。然而最近有的士司機就分享，指遇上一名「西客」把行李扔車旁後，就直接上車，老奉態度惹來司機不滿，雖然有不少人撐司機，但1個行為卻遭大批網民鬧爆並斥「小家」。
近日有的士司機透過Facebook群組「的士司機資訊網 Taxi」發帖，稱自己於舊山頂道位置接載到「西客」。他於貼文指，該乘客「行李放車旁，自己上車，叫番佢落車自己搬」，並附上一張外籍女乘客，在車尾箱拿著行李喼的正面相片，惹來大批網民關注留言。
究竟是乘客還是司機問題？網民們各持己見，有人認為「人地唔夠力搬又唔識講中文姐，幫下手有幾難為你」；有女網民就覺得「唔介意畀多啲貼士，但係要我將個喼擺落行李箱（車尾箱），我真係無咁嘅能力」，又稱以往一直都依賴司機幫忙，「唔知香港而家點解變成咁，幫乘客拎一拎行李，都好似覺得唔應份」，獲得部分網民點讚。
不過，都有大部分人認同司機，認為沒有人是「老奉」幫搬行李，乘客自身亦有責任。「其實司機同空姐一樣，無義務同你搬行李」、「個客自己先上車依啲叫老馮，其實企旁邊做下戲都要啦」、「叫lalamove或gogovan，唔通個司機又會幫你搬貨咩」，連司機及後亦有再度留言，表示「講聲唔該一定幫佢搬，唔尊重人係重點」 。
話雖如此，但是對於司機因搬行李一事，拍下乘客的正面樣貌，並將相片於社交平台群組上公開容貌的行為，惹來不少爭議。有網民認為幫搬行李屬舉手之勞，可幫則幫，但「咁樣影人相擺上group（群組），行為都幾X毒」，反而更顯出司機好「小家」；有網民直言「西客還西客，宜家你放相上網就肯定你有問題」、「叫個客自己搬返咪得，咁都要影相放上網」。面對網民批評，司機則指「你睇相就知佢係度FXXk，佢啲人都唔介意擺上group啦」。
資料及圖片來源：FB@的士司機資訊網 Taxi
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
