狗狗黑雨被沖走！12日後奇蹟生還自行回家

===========
同場加映：
【家居達人】專家教營造日系簡約風家居 重視平靜 大地色/小盆栽/地燈

===========

狗主梁太表示 5 隻狗係一家人，包括狗爸爸和 4 隻仔女，狗爸爸「沙律」9 歲，其餘 4 隻狗狗大約 8 歲。平時由梁太妹妹在坪輋的村屋照顧佢哋。黑雨當晚洪水湧入屋內，期間雪櫃塌下壓傷妹妹，消防員到場拯救時 5 隻狗不幸被水沖走。梁太引述妹妹指當時坪輋水浸及腰，水流很急，大家都趕唔切救援。

梁太連日來四處尋找並於網上求救，當中「一眉」被熱心市民發現由義工救起，交還漁護署後聯絡了她。其後亦在香港浸會園附近發現了「豆釘」，狗爸爸「沙律」亦由義工救起。

照片中可見大雨過後成間屋滿目瘡痍有排執，又要執屋又要搵狗都幾辛苦吓，多得唔少熱心市民幫手揸車尋找和貼街招。紅雨當日更有一名後生仔見梁太獨自搵狗所以前來幫忙，更幫佢於垃圾站等地方設置攝影鏡頭，希望可以搵到兩隻狗狗的蹤影。嗰位後生仔擔心梁太身體狀況唔好，翌日更聯絡了一名朋友陪梁太尋狗。另有熱心市民從東涌專程到坪輋幫忙。梁太表示好感激咁多好心人，雖然互不相識卻願意付出時間和體力幫佢，令佢十分感動。

由失蹤當晚至昨天已事隔 12 日，本身梁太和妹妹已不抱期望搵得返「鳥卒卒」和「柏恩山」。點知！就於昨日，狗女烏卒卒竟然奇蹟地現身於家門前不斷吠叫示意開門，屋內的狗狗都興奮回應同伴，梁太形容佢哋「好鬼開心，嘈到拆天」。

梁太立即檢查烏卒卒身體，無穿無爛，一返到屋企仲即刻飲咗好多水，睇嚟渴咗好多日。另外更餵咗佢食大罐頭、消炎藥同腸胃藥，幫佢沖乾淨涼後烏卒卒即刻趴低呼呼大睡。

梁太笑稱︰「烏卒卒表現好淡定，好似只係去咗一趟旅行咁。我仲懷疑個衰女可能前兩晚返過嚟啊，因為聽到屋內其他狗狗不斷吠，但就唔係平時有陌生人經過嗰隻吠，我開門又唔見有影。我懷疑佢應該係見既然都搵到屋企喇，出去玩多兩日先返嚟啦！」，相當搞笑。

而家爭狗仔「柏恩山」未尋回，梁太坦言唔排除「柏恩山」已離世，但一日未證實佢都唔會放棄。梁太更表示非常多謝大家熱心幫忙，但佢哋並唔需要任何經濟緩助，現時只希望「柏恩山」可盡快回家。如發現佢嘅蹤影可 Whatsapp 5534 2102 與梁太聯絡。

Text/Yuen
Photo/狗主梁太