TVB劇集《你好，我的大夫》劇情裡每個個案都有不少洋蔥，最新就講到患有神經性肌肉痙攣三項鐵人運動選手關穎璇（關嘉敏飾）。每逢客串劇集演出必然引發話題的關嘉敏（Carman），是次以素顏上陣，獻出兩大第一次，更被吊半空企跳嚇到腳軟，而她為演活痙攣角色，旅在屋企「震」足一個月，嚇窒屋企人。
29歲的關嘉敏（Carman）飾演患有神經性肌肉痙攣三項鐵人運動選手關穎璇，由於經常不受控制地痙攣，萬念俱灰的她危站天台企跳，嘉應（蔡思貝飾）見到後即緊張前往予以阻止，原來當年嘉應好友（史穎喬飾）亦因備受類似情況困擾跳樓身亡；為免悲劇重演，嘉應一再勸說，卻換來看不見曙光的穎璇冷笑：「中醫？西醫都幫我唔到，中醫點幫我呀？我受夠喇！你哋唔好再畀假希望我」、「與其冇希望咁生存，我寧願早啲解脫」更道盡長期病患的苦況。
關嘉敏笑言該場喊戲其實很「忙」，既要兼顧複雜的情緒表達，包括絕望、藐視及無助等不同層次的心情，又要兼顧「高度」，她事後亦非常緊張相關場口的表現：「播之前我都有追問監製，佢都話睇到有少少想喊，咁我就放心少少，但依然會好緊張。嗰場喊戲又要發脾氣、又要跳樓，其實場跳樓戲我係有啲期待，因為吊到好高，我份人好鍾意刺激嘢，但上到去其實我係腳震。對我嚟講，痙攣、跳樓都係我第一次，我覺得好開心，因為學咗好多嘢。」
今日官方承接昨晚劇情，發布第九集（今晚）精彩預告劇照，照片所見，穿著病人服的關嘉敏在醫院後樓梯病發，整個人僵直地躺在地上的她，不但手腕扭作一團、腳部呈現不自然彎曲，就連雙眼也不斷向上反，單看照片也感受到其辛苦。
關嘉敏透露要在網上搜尋痙攣病人的資料並不容易：「上網完全搵唔到任何片，因為發生痙攣時旁觀嘅人係會去幫手而唔係拍片；所以就改為search好多痙攣嘅徵狀，再加自己嘅幻想打造番個角色出嚟，例如會有啲咩抽搐動作，腳趾、手部同頭部嘅郁動又會係點。」
為了盡早投入角色，關嘉敏更於開拍前在家中獨自在睡床「震」足一個月，更因而嚇親家人：「我每晚臨瞓前都喺張床度係咁震。好記得有一次，我屋企人突然入咗我間房，見到我喺度震嚇親，猛問：『你有冇事呀？』我話：『我冇事，我想練習吓角色咋』。所以我同屋企人都好期待，佢哋依家每晚都哺住電視，因為想睇吓自己個女練咗咁耐，出嚟效果係點。」
同場加映：【今期Chill抵】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
