慈善團體招募月餅回收、剩食義工 累積挽救剩食達1萬公噸
當我哋成日諗吓放假去邊度歎美食兼打卡嘅時候，其實香港好多長者及基層家庭都得唔到足夠食物，但香港嘅剩食問題原來好嚴重，有主力解決剩食問題嘅慈善團體「共享食物基金」，就已經累積「拯救」咗超過1萬公噸原本將送去堆填區嘅剩食！而該組織仲招募緊義工參加不同區舉行嘅食物回收活動，究竟關心剩食問題嘅話，可以點樣參與出一分力呢？
===========
同場加映：
【家居達人】專家教營造日系簡約風家居 重視平靜 大地色/小盆栽/地燈
============
唔講未必知，原來香港每日棄置嘅廚餘達3,000公噸，雖然大部份仍可食用，但結果都係被送往堆填區，其實亦加重咗堆填區嘅負荷。慈善團體「共享食物基金」嘅首要目標，就係是要喺食物浪費嘅源頭上（如街市及超市等零售商），收集可食用嘅食物，減低因食物浪費所帶來嘅環境污染及減輕堆填區的負荷。另一方面，就將食物重新分配，跟社區上有需要嘅人士分享，以及尋找其他可行嘅「食物升級再造方案」。組織嘅食物共享行動，自2009年起至今，已累積「拯救」超過1萬公噸原本將送去堆填區嘅剩食，重量約等於707架雙層巴士嘅重量，受惠者接近1千萬人，包括長者、低收入人士或家庭、兒童及弱勢社群等。
「共享食物基金」多年來已累積「拯救」超過1萬公噸原本將送去堆填區嘅剩食，重量約等於707架雙層巴士嘅重量，受惠者接近1千萬人。
共享食物基金聯同社區機構及義工隊，每天從街市、食肆、商戶收集剩食資源，經過適當分類、篩選及處理回收得來的剩食，分發給社區內有需要人士。現已喺全港16個地區進行剩食回收共享工作，包括荃灣、葵芳、元朗、紅磡、土瓜灣、上環及銅鑼灣等，之前曾進行過嘅活動包括跟「天水圍社區發展網絡」合作、歷時4年嘅「有衣食分享計劃」，回收到嘅食物重量達734,004公斤，受惠人次達447,583人次。組織亦曾於2018年底發起「救柑行動」，連結地區嘅持牌食物製造商，將大批將被棄置嘅新會柑柑肉加工製成果醬及果乾，吸引公眾對「剩食升級再造計劃」的關注。基金亦呼籲有興趣推動剩食回收及食物共享嘅人士，一同參與及登記「食享香港」食物共享義工行動，亦歡迎私人或公司合作捐贈食物。
共享食物基金聯同社區機構及義工隊，每天從街市及超市等收集剩食資源，再分配畀有需要人士，並長期招募義工。
去年全港食剩320萬個月餅 歷年第二高
全港首個社區食物回收環團「食德好」於7-8月期間進行咗有關中秋月餅消費及月餅包裝回收行為嘅調查，網上形式訪問了350個家庭，發現
1. 2022年全港共食剩320萬個月餅 (歷年第2高，較前年下跌31%)
2.健康考慮成食淨月餅的最大原因
3.經濟不景，市民購買月餅的預算減少18.3%、月餅（購買自用）數量減少27.1%、月餅（送禮）數目減少52.1%
中秋節快到，如果有月餅需要捐贈，可以參加「食德有營過中秋」月餅回收行動，在9月27日前內送到公眾回收點，今年的回收點逾80個，遍佈港九新界，更方便大家捐贈月餅。
「食德好」於7-8月期間進行咗有關中秋月餅消費嘅調查，發現2022年全港共食剩320萬個月餅，數字為歷年第2高。
市民如果有月餅需要捐贈，可以參加「食德有營過中秋」月餅回收行動，在9月27日前內送到公眾回收點，地址可參閱食德好facebook。
【INFO】
共享食物基金
網址：https://foodcommons.hk/tc/
食德好
網址：https://www.facebook.com/foodrecycling
text/Joyce
photo/HKET圖片庫
港生活人氣本地熱話
【樂迷注意🎧】《社群》請您免費聽歌三個月！
【旅途無蝨】請您用AQUA PRO+TECH「驅蚊大師」滅菌驅蚊液 ！
