幾個星期前嘅突發性黑雨引起全港水災，當時有兩個過渡性房屋項目分別接收咗因暴雨導致居所受水浸影響嘅居民短暫入住。點知最近有消息指，位於錦上路嘅過渡性房屋項目恒莆新苑有多個單位嚴重漏水，情況媲美「水舞間」，天花及牆壁更嚴重發霉及變黑，電線槽亦疑似出現鏽漬……房屋局亦證實事件，並指項目內多達219個單位受滲漏影響，而房屋署長何永賢更親自出動去現場，視察恒莆新苑建築地盤，究竟點解會出現呢個情況呢？
===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外
============
於錦田錦匯路、由新界社團聯會營運的過渡房屋項目「恒莆新苑」，原定最快喺11月入伙，惟近日有傳媒揭露，入面有大量單位發生漏水甚至發霉情況，包括單位大門門框不斷滴水，地上亦有大灘積水，天花及牆壁更嚴重發霉、變黑；地腳線剝落，電線槽及大門邊底部分別已浸至生鏽及霉爛，而走廊牆身亦不斷有水流下，每逢大雨，單位會再次漏水。
事件經房屋局證實，早在今年4月工程監督時，已發現項目有雨水滲漏，「恒莆新苑」1,028個單位中有219伙受影響，即約兩成單位因為漏水要維修，其中58個單位較嚴重，要全面更換牆身板、牆身內嘅隔熱材料、膠地板及天花板，其餘單位就須更換有水漬的部分。局方又引述調查指，滲漏主要是單位沒有關好窗，大門亦無法承受暴雨沖擊，在防水屋頂未蓋好時，大雨經門框滲入室內。
位於錦田錦匯路、由新界社團聯會營運的過渡房屋項目「恒莆新苑」，原定最快喺11月入伙。
惟近日有傳媒揭露，入面有大量單位發生漏水甚至發霉情況，甚至地腳線剝落，電線槽及大門邊底部分別已浸至生鏽及霉爛等。
而房屋局局長何永賢和副局長戴尚誠，就喺9月21日傍晚到恒莆新苑地盤視察。何局長喺社交網站發帖表示：「根據承建商現場報告，傳媒報導有問題的單位，大概有六成左右已經執修妥當。承建商指出，報道中登出的相片為今年上半年發生的事，他們發現後已立即進行修繕，並加強地盤管理。所以及後在近期再出現的十號風球和接着的黑色暴雨便只有輕微影響，有關項目只因為走廊盡頭未封好，而出現撇雨入水的情況，雨水沿着走廊滲入部分單位，但抹乾後便問題不大，除此以外並無再出現報導中相片的嚴重滲水現象。」
房屋局局長何永賢實地視察後表示，根據承建商現場報告，傳媒報導有問題嘅單位，大概有六成左右已經執修妥當。
何局長表示之前發生嘅漏水問題，主要係工程喺進行期間未蓋好大屋頂和走廊天花板，便遇上了天雨，保護MiC組件嘅防水措施未有做妥，加上房間開了嘅窗未有關好，便引致入水的情況。局長亦強調及提點做MiC工程嘅承建商，日後嘅MiC工程必需大大提升地盤管理能力，包括喺建築過程中保護MiC組件、封好單位門窗等，以防範喺工程期間遇到落雨入水嘅問題。而承建商發現問題後亦一力承擔責任，並已在地盤進行保救措施，有關項目不會因此而影響完工期。
何局長表示之前發生嘅漏水問題，主要係工程喺進行期間未蓋好大屋頂和走廊天花板，便遇上了天雨，保護MiC組件嘅防水措施未有做妥，加上房間開了嘅窗未有關好，便引致入水的情況。
text/Joyce
photo/何永賢FB、新社聯錦田恒莆新苑過渡性房屋項目FB
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
