房屋署及康文署提醒市民中秋勿煲蠟 違者可被罰款$2,000及監禁14日 公屋居民會被扣5分
中秋節即將到臨，除咗賞月玩燈籠，好多人都好鍾意喺中秋乘機玩煲蠟，但康樂及文化事務署同房屋署都呼籲市民唔好煲蠟，除咗危險同破壞環境之外，其實違者有機會可被判罰2000元及監禁14天，公屋居民甚至有機會被扣分甚至終止租約㗎！煲蠟嘅後果究竟有幾嚴重呢？
============
同場加映：
【家居達人】港人自發！即棄電池回收計劃
============
中秋佳節將至，康樂及文化事務署就呼籲市民，在歡度中秋佳節之餘，記緊要保持地方清潔及愛護公物，切勿煲蠟或將燃點嘅蠟燭插喺地面、草地或沙灘上，切勿拋擲熒光棒或其他物品到樹上，或放孔明燈。康文署表示，喺康文署轄下場地（包括公園、泳灘及燒烤場）亂拋垃圾可被罰款1,500元，煲蠟、拋擲物件到樹上或放孔明燈則最高可被判罰款2,000元及監禁14天。
喺康文署轄下場地，包括公園、泳灘及燒烤場，亂拋垃圾可被罰款1,500元，煲蠟、拋擲物件到樹上或放孔明燈則最高可被判罰款2,000元及監禁14天。
至於房屋署亦提醒公共屋邨居民，小心處理蠟燭，無論係火種或熔咗嘅蠟都可能會令人受傷，更切勿喺屋邨公眾地方煲蠟。房屋署會由本周四（28日）至本周六（30日）一連三日，額外調配區域巡邏隊及特遣行動小組隊員，到各屋邨加強巡邏至午夜過後。中秋節翌日早上，房屋署亦會加派人手清理佳節過後嘅垃圾。
房屋署表示若發現有小童煲蠟，負責巡邏嘅職員會加以勸阻，若小童不聽勸告，職員會聯絡其家長。房屋署亦特別提醒公屋居民，根據「屋邨管理扣分制」，在屋邨公眾地方煲蠟屬即時扣分項目（可扣5分），觸犯者亦有可能因煲蠟弄污公眾地方而同時被罰款1,500元。公屋住戶喺兩年內累積扣滿16分或以上，會被終止租約。
房屋署會由本周四（28日）至本周六（30日）一連三日，額外調配區域巡邏隊及特遣行動小組隊員，到各屋邨加強巡邏至午夜過後。
根據「屋邨管理扣分制」，在屋邨公眾地方煲蠟屬即時扣分項目（可扣5分），觸犯者亦有可能因煲蠟弄污公眾地方而同時被罰款1,500元。
text/Joyce
photo/HKET圖片庫
港生活人氣本地熱話
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
