近年大家要記事或者讀書寫Notes，都係用電腦、iPad或手機等，用筆寫字嘅機會愈嚟愈少，所以，用塗改液嘅機會亦愈嚟愈少……但有返啲年紀嘅朋友，應該都記得當年學生時代用嘅塗改液，係一盒兩枝套裝：一枝係塗改液，另一枝係天拿水，雖然用起上嚟有啲麻煩，但「玩兩溝」真係大家嘅集體回憶，喺Facebook嘅「九十年代回憶（新版）」群組入面，有網民問而家仲有無呢款兩溝塗改液賣？結果引起大量網民出晒嚟分享對呢款塗改液嘅愛與恨！
===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外
============
對於而家仲有無呢款一盒兩枝天拿水連塗改液套裝賣，有網民回應話：「有架，我見文具店仲有」、「仲有，不過吾（唔）同牌子」，亦有網民話：「我公司仲有，但冇咩人識用」、「有，唔知點解公司硬係有D 人鍾意佢」，有網民亦話「政府仲有……」。
雖然有網民表示呢款塗改液「麻L煩到pk」，但其實識得玩，真係好有樂趣。小編舉手講先：話說當年一見枝塗改液掃及樽口積聚乾咗甚至已結成一嚿嚿嘅白色物體時，就會用天拿水去洗/溶咗啲白色固體物，成為返學轉堂或做功課腦便秘時嘅最愛活動！結果枝塗改液未用到一半，枝天拿水就用晒，仲要去書局另配天拿水。而呢枝天拿水，既實用又好玩，其實先至係MVP！有網民話「平時攞嚟索，好正」、「永遠最快用完嗰支（枝），一定係『多功能』嘅天拿水，又可以玩人，又可以涼自己，齊齊開心」、「果支（枝）天拿水用黎（嚟）滴落隻手度，錯覺有涼快感覺」、「滴落手同聞起上嚟仲有個記憶喺度」，有網民話：「童時恩貨，打完手板必用，所以支（枝）天拿水永遠短時間用完」，其他網民唔明：「打手板要用天拿水嘅咩？」原來係因為「打完即刻滴落去，美麗又凉快，你啲乖仔唔明㗎喇」。
小編去文具舖搵過，的確仲有呢款兩溝塗改液出售，不過牌子就唔同咗。
塗改液其實係「指甲油」 天拿水可以用嚟殺蟲？！
但有網民仲發掘到枝天拿水，除咗溝塗改液，仲有好多其他用途：「個枝Thinner好好用，可以用嚟抺影印機塊玻璃，又可以去除膠紙漬」、「支（枝）Thinner用嚟殺墨盒啲蟲效果一流」、「支（枝）Thinner用嚟殺蟻殺曱甴好有效」。
至於枝塗改液，點會淨係用嚟改錯字吖！原來好多人都當呢枝嘢係「指甲油」！「嘩好X懷念呀！以前成日扮搽指甲油架（㗎），利申：就黎（嚟）40」、「記得有次吼個男同學上堂瞓覺時，油晒佢五隻手指」。更有創意嘅「用途」竟然仲有「小學有同學塗系（喺）牙齒度」、「我記得細個用嚟塗我對白飯魚」，總之呢款塗改液：「以前细個返學有一盒，感覺好威威」，不過最威，都係呢位網民：「認真，我成個讀書生涯未用過塗改液/帶，寫錯就咁刪左（咗）佢，再寫過」。
原來好多人都試過將呢款有掃嘅塗改液當指甲油搽，You are not alone！
text/joyce
photo/網上圖片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
