接聽不明來歷WhatsApp視訊　會被盜取生物特徵墮騙徒陷阱？有乜方法防受騙？

===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外

============

近期唔少香港人喺討論區表示收到不明來歷Whatsapp Video Call、iPhone FaceTime或其他視訊App，而且可以幾小時內連接幾個，或同一個號碼連打兩次，而呢啲陌生視訊電話嘅號碼有機會來自不同地區嘅區號，滋擾程度甚高。有網民試過接聽，但對方立即收線；亦有網民表示接聽後只見到廣告相片，並無出現任何真人對話。但原來一旦接聽咗詐騙集團嘅視像通話，其實已有機會墮進騙案。

早前香港警方就曾提醒市民，詐騙集團可能透過人工智能深偽技術（AI Deepfake）換臉嘅方法去行騙。喺大家接聽視像通話期間，對方就可以盜取到閣下嘅樣貌及聲音等生物特徵，之後再利用「深偽技術」進行合成並修改影片，就已經可以將接聽人士移花接木成為色情片或罪行片段之類嘅主角，繼而再進行勒索，又或者假扮成接聽人士與其親友作視像通話，假冒求助要求匯款等以騙取金錢，或藉此獲取更多已接聽電話受害人嘅個人訊息。

警方話詐騙集團可以喺大家接聽視像通話期間，盜取到閣下嘅樣貌及聲音等生物特徵，之後再利用「深偽技術」進行合成並修改影片，將接聽人士移花接木成為色情片或罪行片段之類嘅主角，繼而再進行勒索。

6 個方法防視訊詐騙
1.更改設定，拒絕不明來電
A.以WhatsApp為例，可以喺「設定」畫面，選擇「私隱」，然後喺「私隱」設定頁面選擇「通話」，開啟「將未知來電者設為靜音」，以減低滋擾度；
B.以iPhone用家為例，就要喺「設定」畫面揀「FaceTime」，可選擇關閉「FaceTime」功能，或者清除所有電郵，可阻截陌生人透過電郵來電，

2.拒絕接聽

3.保護個人資料
警方呼籲市民切勿輕易提供人臉或指紋等生物辨識資料予陌生人。

4.測試視像來電
例如如果對來電嘅「親友」身份有懷疑嘅話，可以要求對方喺鏡頭前做指定動作作測試，例如將頭部作上下左右移動，舉起手指喺面上作橫掃動作等，如果對方係AI假冒片段，呢啲動作會令影片出現破綻。

5.提出個人問題
亦可嘗試向對方提出個人問題以測試來電者嘅身份。

6.若對方提出匯款要求，要小心提防

WhatsApp防騙達人包9大注意事項
另一方面，Meta旗下官方平台「We Think Digital Hong Kong」日前亦分享「WhatsApp防騙達人包」，提出以下9個要點：

1.啟用雙重認證功能，建立強固的PIN
2.登出所有不明嘅已連結裝置
3.任何情況下都唔應該向任何人（包括親友）分享6位數字註冊代碼
4.切勿點擊可疑電郵或訊息內嘅連結
5.如收到親友透過WhatsApp提出不尋常要求，應先致電對方確認其身份
6.如被問及提供個人或信用卡資料，或涉及匯款，應加倍小心
7.官方WhatsApp帳戶具有綠色剔號標記，切勿回覆假冒官方WhatsApp嘅帳戶
8.加強私隱設定，防止任何人存取個人資料
9.查核資料來源，切勿隨便相信來歷不明嘅訊息

此外，如果收到可疑訊息，平台亦提醒大家要先思考以下3個問題：

1.對方係咪使用咗奇怪號碼（如非本地電話）？
2.對方有無催促您？
3.對方有無威脅您或試圖得到您嘅信任？

text/Joyce
photo/HKET圖片庫