維記樽裝牛奶金蓋/銀蓋大比拼!成份味道大不同?呢款係奶粉沖製 網民:呢隻色最好飲

文: 溫藹紅
2023.10.04

茶記樽裝牛奶買少見少,近日有網民就分享,在茶餐廳仍然可以飲到一瓶玻璃樽裝牛奶的喜悅,一時再度掀起「金蓋」及「銀蓋」牛奶包裝話題,不同顏色內裡成份及味道都大有不同?引來不少人熱議,直言呢隻顏色最好味。

近日有網民於Facebook群組「香港茶餐廳及美食關注組」發帖分享,難得可以在一間茶餐廳叫到樽裝牛奶,直言現今已經買少見少,感到相當喜悅。從相片中可見,樓主叫的是以玻璃樽裝的維記牛奶,瓶蓋是以金色作為包裝, 隨即就掀起一番討論。

講起樽裝牛奶,不少人都會想起維記牛奶,並普遍認為樽裝奶會較為新鮮,但「樽裝」並非完全百分百都是純鮮奶,只要留意維記樽裝牛奶錫紙蓋,就可以分得到哪些是新鮮奶。維記樽裝牛奶錫紙蓋提供不同顏色包裝,用以分辨不同味道的奶類飲品。據了解,其中金色蓋面的樽裝奶是以奶粉沖調的奶製品;銀蓋為真正的新鮮牛奶;至於綠蓋則是奶粉沖調的高鈣低脂奶。

大部分網民認為,銀蓋樽裝奶飲落味道相對新鮮,直言較好飲;至於金蓋則認為欠缺奶味,對比之下味道稍遜,價格較銀蓋便宜,因此茶餐廳多數選擇賣金蓋。不過,都有網民覺得兩者飲落未有明顯分別,但認為玻璃樽較紙盒牛奶好飲。目前香港仍然有些茶餐廳會提供樽裝牛奶,若想嚐試兩者分別的朋友亦可以於便利店、超市買到!

資料及圖片來源:FB@香港茶餐廳及美食關注組FB@維記牛奶 Kowloon Dairy

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓