北角$20燒味飯！香港不時有平價燒味飯，最近有網民就發現北角雙拼燒味飯，每盒$20就可以食到，形容價錢比媲「四粒燒賣價」，更有街坊憶述逾10年前曾試過賣$8，直言是窮人恩物，不少人更分享各區平價燒味飯，原來連AEON都有得買？
最近有網民於Facebook群組「香港茶餐廳及美食關注組」發帖，分享自己途經北角電氣道街市地下，發現「有運燒臘」僅需$20，便可買到一盒雙拼燒味飯，直言時至今日物價水平，可謂相當親民，更笑指是「四粒燒賣價」，大讚抵食！不過他表示，自己僅路過見到，未有親自嚐過「唔知好唔好味」。
$20雙拼燒味飯如此便宜，自然吸引一眾網民關注。有街坊表示，該燒味店屹立街市已久，售價向來便宜，有網民分享自己光顧過的雙拼飯相片，只見切雞及叉燒賣相不差，且份量得宜，認為相當不錯；有街坊就直言「對呢檔好深刻，2011 年時仲捱緊日子，窮得好緊要，多得佢當年只賣8蚊」、「（價錢）回到30幾年前」、「好食過魚蛋燒賣啦」；不過都有曾幫襯的市民稱食物質素一般。
隨著網民討論，不少人都陸續分享自己食過的平價燒味飯，包括位於荃灣、深水埗等的朗益曾大賣$16燒味飯，有網民更激讚曾試過在西九龍中心買到$15燒味飯連汽水，價錢極之親民。除了燒味店外，樓主又再分享原來AEON售賣的雙拼燒味飯，於優惠時段同樣劈價至$20，不過賣相及味道就見人見智，大家有興趣不妨留意一下！
資料及圖片來源：FB@香港茶餐廳及美食關注組
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
