香港公屋越來越難輪候，即使獲派到，分分鐘收入已經超過入息限額！最近有網民在網上發文，表示自己為了符合申請公屋資格，「變咗好似廢人一樣，高人工吾（唔）做得」。帖文引起大批網友關注，不少人表示有同感，並留言建議樓主不妨嘗試走灰色地帶，嘗試找一些「出現金糧」的工作，即入內文睇睇詳情啦！
早前有網民在Facebook群組「公屋討論區 - 香港facebook群組」發文，表示人生的目標就是申請公屋，但在找工作時遇上不少困難，香港普遍工種的薪酬都高過公屋申請的入息限制，導致他很多工作都不能做，其後更在文中大嘆自己好像變成一個廢人一樣，「高人工吾（唔）做得，成個廢人」。
不少網友看到帖文後，紛紛留言表示有同感，「講出很多基層市民心聲」、「呢個主題講得好，表達輪候公屋正在捱貴租的人心聲」、「應該係話人工比較合理啲嘅都做唔到」、「我以前上樓都係報6000蚊送外賣先上到樓」、「講中我心聲，已經排咗15年都未有屋」。
也有網友認為樓主不用太灰心，指很多港人也是「行緊呢條路」，並建議他可申請綠置居或是嘗試找一些「出現金糧」的工作，「你搵啲即日出糧咪得囉， 或者出現金」、「走灰色地帶 申請時唔好咁多人做嘢」、「做街市，出現金糧」，當中還有人笑指，「用晒啲錢咪攞綜援咯」、「怕乜，拎棕援不知幾正，酒樓下午茶都係靠呢班大神」。
來源：FB@公屋討論區
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【U Jetso】Mother Pearl圓貝健康好味便攜輕食！↓
↓ 方便又健康好味！多款口味可供選擇！ ↓
