TVB新劇《香港人在北京》由陳展鵬、洪永城、吳若希、蔡潔、戴祖儀、傅嘉莉、吳業坤和陳星妤等主演，昨晚（9日）首播第一集爆笑連場，最大彩蛋絕對是陳展鵬太太單文柔（Phoebe）客串演出，更是單文柔與陳展鵬夫妻檔首度以同劇演出，劇情爆笑又驚喜！
昨晚（9日）首播的《香港人在北京》笑料連場，劇情講述徐港仁（陳展鵬飾）和太太鄺海倫（吳若希飾）誤墮投資騙案，身家損失慘重，該老千正正由陳展鵬太太單文柔（Phoebe）飾演，今次更是單文柔首度與老公合作拍劇，雖然二人在劇中未有同框，但單文柔隔空搵老公笨令觀眾啼笑皆非！
對此，陳展鵬受訪時笑言：「今次係想畀個驚喜大家，Phoebe選完港姐之後就畀我私有化咗，佢其實一直都好想拍劇，亦都係我嘅小fans，好希望可以同我合作。」談到兩公婆未能同框，展鵬坦言老婆有點失望，身為愛妻號的他不忘搞笑慰妻謂：「主要係我驚佢啲戲太好，會搶咗我啲戲！」
問到太太拍攝前有否向他取經？陳展鵬說：「因為都係得一場戲同埋幾句對白，所以叫佢最緊要Enjoy個過程、淡定同熟讀劇本，知道場戲要做啲咩就OK。」展鵬又謂絕對支持太太多點幕前演出：「一直都好希望身邊嘅人做到令自己開心嘅嘢，唔好太多拘束，依家小朋友都開始讀書，佢可以放多啲時間畀自己，做多啲自己想做嘅嘢。」
昨晚另一爆笑口場，是被挑選為苦主聯盟代表的陳展鵬和吳若希接受《慌張西望》訪問，兩人因怕被認出、不但要求節目組為他們打格仔和做聲音處理，更自行變聲作「三重保險」，場面爆笑。談到相關場口，吳若希受訪時笑言：「呢場戲我哋睇劇本時已經忍唔住笑！我哋拍嘅時候唔係諗點樣搞笑，而係諗用咩聲線去演呢場戲，有諗過要唔要扮某啲人把聲，最後我哋就揀咗用鴨仔聲。」
首度合作便默契十足的兩人，昨日還上演一場爆笑色誘戲，以性感睡衣上陣的吳若希搔首弄姿色誘陳展鵬，惟不解風情的陳展鵬以學習普通話及疲倦為由，拒絕吳若希之餘還為她披上外套說：「開咗冷氣呀，因住攝親呀，早啲休息啦！」
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
