踏入10月份，又是時候食大閘蟹啦！ 隨著網購愈來愈發達，不少人都會選擇網購大閘蟹，但最近有港男發文分享網購40隻大閘蟹的中伏經歷，收到的蟹隻不但又黑又霉，當中部分更是死蟹。於是他聯絡店方要求退款，沒想到對方竟然咁樣回答....
有男網友在Facebook群組「香港大閘蟹關注組」發帖，分享自己網購大閘蟹的不愉快經歷，並附上與店方的對話截圖。從截圖中可見，樓主在某網店購買了40隻大閘蟹，但拆開後卻發現收到的蟹不新鮮，完全沒有蟹味，而且部分更是死蟹，於是他要求店方退款，「仲有20隻未喐過可唔可以退，噉（咁）樣夾硬食，我真係驚食咗成家一齊要去醫院」。
初時店方回覆指，「請問是有兩隻出現問題嗎？」並表示所有蟹都是蒸熟後才出貨的熟食食品，但由於是批量訂購才可享有得優惠價，故未能提供退款，現時處理方法是補回隻數或現金待用券。其後店家更貼出其他客人評價，指有機會因地點遠或工場不停蒸而導致出現問題。
但事主對於店方的處理方法深感不滿，他表示一開始以為只是一隻兩隻大閘蟹有問題，其後發現差不多全部蟹隻都有問題，所有蟹肉都是黴爛，於是他怒斥對方，「如果你覺得無問題的話，你在我面前食幾次（隻）就好了，我馬上送出來給你吃」，並向店方提供兩個解決方案，「要麼我拍視頻給你每隻打開然後放進垃圾桶，打開幾隻就退多少隻，或者視頻直接發到網上，這樣就不用退錢也不讓補償任何」，其後店方便再沒有再回覆。
貼文引起大批網民討論，當中有不少人表示曾光顧該間網店，並買到的蟹隻都是有問題，「我今日訂左16隻，全部霉」、「喺（某網店）留言畀比嬲， 全部都畀佢剷曬再block埋我」、「我都試過响（某網店）留言話佢哋services差，都係俾佢剷咗個msg再block咗我」、「總之千祈唔好幫襯（某網店）， 買了會後悔」，並建議事主向食環署和海關作出食物投訴。
但亦有網民認為網購大閘蟹本來容易中伏，「比你（睇）一定靚，之後到貨在你手就」，所以只會去實體店購買大閘蟹，「真係唔夠膽响網上買蟹，我情願去實體店買」、「我自己買大閘蟹，唔會幫襯網購，話晒真係海產，你都唔知嗰間店點處理，張圖做到鬼咁靚，啲蟹可能擺喺自己屋企浴室都未定」、「周街都係大閘蟹，睇清楚買信心好多，又唔係貴好多」、「我都係仲（鍾）意門店自己揀蟹」。
從網上所見，涉事網店「小鮮女大閘蟹熟食速遞」的Facebook官方專頁仍有運作，記者已就事件網店查詢，但暫未獲回覆。
來源：FB@香港大閘蟹關注組
港生活人氣本地熱話
↓【限時搶⚡】La Maison du Chocolat 冰雪朱古力禮盒↓
↓香脆朱古力外層｜配上軟滑朱古力慕斯↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
