冒險樂園掟彩虹送iPod！港人曬10年前中彩虹大獎收據：當年經理成個人跪喺檯面
冒險樂園掟彩虹送iPod？美國冒險樂園掟彩虹事件引全城熱議，最近就有港人就分享，自己10年前玩掟彩虹中特別大獎，成功收獲iPod一部，更曬出中獎登記收據，形容「當年個經理成個人跪喺檯面」，但及後再無呢支歌仔唱，有網民笑言「就喺因為你搞串咗」！
冒險樂園「掟彩虹」事件一度成為全城焦點，隨著港人議論不斷，有人更憶起過去「掟彩虹」的中獎經驗。最近有網民於社交平台群組發帖，分享10年前（2012年）曾中過冒險樂園的彩虹大獎，並成功獲得禮物iPod Nano（8GB），「當年個經理成個人跪喺枱面垂直望個銀（成5分鐘），最後確認我真喺中獎。佢畀咗呢張紙畀我一個禮拜後攞禮物」，並附上一張收據相片。
從相片中可見，該「美國冒險樂園幸運彩虹特別大獎中獎登記收據」，日期寫明為2012年6月24日，清楚列明獎品名稱、職員簽名、管理人員簽名、顧客簽名等，並有官方分店蓋章。雖然過去10年有多，但存根仍保存得宜。樓主指出，當年是在冒險樂園黃埔分店中獎，「從此彩虹大獎亦再沒有送禮物，只送代用券」。他又補充，「當年我中咗佢個大奬，有D（啲）感覺喺極度驚動咗佢個管理層。D職員十分慌忙及手忙腳亂」。
貼文隨即引來大批網民讚好及留言，有網民笑言「（經理）跪係檯面咁誇張」，打趣道是否「搵機會震郁個銀」，亦有人認為「因為要驗屍咁驗」；此外，網民亦紛紛分享自己的中獎經驗，「我30幾年前都中過一次，當時店員叫其他人停手，再叫經理出嚟睇，如果真正中咗，經理就會搖鐘。當年獎品係超大毛公仔」、「當年天水圍銀座中咗部PSP，之後就得返公仔」、「我同個仔經常都中綠同藍獎」。
不過，對於及後只送代用券，有網民笑道「成個幣圈比你搞彎曬啦」、「原來就係因為你搞串左」；又認為中到彩虹特別大獎，樓主可能已經用盡「呢一世人嘅運氣」，引來不少網民激讚！
早前有市民在社交平台群組發帖，指在冒險樂園屯門華都商場分店玩「掟彩虹」，因被經理指「砸界」無效，因而引發紛爭最終報警求助，並質疑代幣大過綠色中獎區域範圍。美國冒險樂園日前作出回應，否認代幣大於彩虹的圖案，並稱對於顧客作出的不實指控，深表遺憾。
資料及圖片來源：FB@香港江湖日報之ONX限定 2.0、美國冒險樂園
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
【樂迷注意🎧】送您音樂串流App 3個月禮品卡！
