講到九十年代回憶，點可以少得Game Boy？相信好多人屋企櫃桶底都仲會有部Game Boy，不過過咗咁多年，部機仲係咪玩得，當然成疑問……喺facebook嘅「90年代回憶 (新版)」群組，就有網民影低咗屋企部舊Game Boy，話係「先父遺物，開到機，但個芒無顯示，唔知邊度有得維修？」，結果不但引起大家對Game Boy嘅討論，當中，原來仲有洋蔥！
===========
同場加映：
【家居達人】屋企廢物簡單易變收納好物 鞋盒、紙盒、紙袋通通都得！
============
熱心網民提供咗多個有維修遊戲機服務嘅地點：「黃金好多鋪都有得維修gamboy」、「深水埗電子特賣城商場入面，有間專維修呢啲古董遊戲機嘅舖頭」、「九龍城龍珠商場可能有人幫到你維修嘅」、「我建議你去深水埗福仁商場，地下鋪應該仲有gameboy維修，換mon你預左$450-500，換底板你預左$250-300」、「日本Nintendo總部果度有得維修，包整好包郵盛惠$4000！」。亦有唔少網民建議可以試吓自己整：「有冇試下調教光暗度」、「電池肯定夠電（如果夠電，粒紅燈會比較光，冇電就弱到睇唔到咁）同埋有冇試光暗度？」、「上youtube睇好多教學，開到機有聲，一般係燒mon，要換塊polarizing filter film或成個mon換。不過唔識呢啲電子維修嘢就唔好攪，會整壞」、「著到機、有開機聲但冇畫面？如果係咁可以上淘寳買零，自己換……」、「淘寶換高清芒吧！非常簡單，有埋教學」、「如果主板冇壞，淘寶有ips mon更換，二百幾蚊，不過要自己識拆機！亦有網民提出自己Gameboy自己整嘅原因，並唔係因為錢：「自己買料自己換，老豆遺物自己整到點衰一件事，比（畀）人整衰左（咗）成世唔安樂，搵下youtube片其實入面好簡單」。
網民建議可以去黃金商場或福仁商場，應該會搵到舖頭做維修。
既然主要係為留念 萬一整壞咗咪仲大鑊！
亦有網民覺得，既然部機最重要嘅價值，係樓主兩父子嘅回憶，倒不如唔好修理：「我會建議唔玩既（嘅）就不如唔好整啦！留做紀念啦！一陣整唔到拆散左（咗）仲大獲」、「 同意！況且一定冇得整！只係換舊有零件！即係冇咗記惗（念）價值……得不償失！」、「留念嘅嘢唔一定要work」、「我大佬都留咗好多遊戲機⋯⋯SEGA 345代，pc eng ，GT……比（畀）我，我都冇再開㴝（嚟）玩，間唔中望下（吓）會諗返以前同佢雙打⋯⋯有啲配件以前都唔捨得，依家有啲都扔咗⋯⋯keep到就keep唔1（一）定完美，好多野（嘢）在心中」。
不過對於細個打機會畀父母鬧，但而家電競已經可以登上亞運會舞台，呢位網民都好感慨：「以前年代點會諗到今時今日打機竟然係1（一）種職業運動，我諗上1（一）代會相信打麻雀會係亞運項目多過電競⋯⋯當年我老豆破壞力係拎起就扔落地，任何電視機、遊戲機 直接上天堂，後期係大佬出嚟做嘢，美其名升級屋企d電器產品，其實都係為咗將啲舊電視收入房打機，記得第一部買既遊戲機係小天才，game就雙截龍⋯⋯」
亦有網民好感慨，細個打機會畀父母鬧，但而家電競已經可以登上亞運會舞台。
text/joyce
photo/網上圖片、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
