提起低風險投資，相信大家對於定期存款不會陌生，只要於一段固定時間內將資金存入銀行，即可獲取利息回報。但早前就有港男網上發文，分享自己在恒生銀行做定期存款的「中伏」經歷，並直斥該銀行給予的利息太少，「我已中伏，永久black list」。帖文引起網民關注，當中有不少人直指樓主投資前沒有仔細看清楚條款，紛紛留言「無計錯俾你」、「自己唔睇清楚怪咩人？」
早前有男網民於Facebook群組「的士司機資訊網 Taxi」上傳一張有關定期存款的截圖，從截圖可見，樓主從2023年10月10日起於恒生銀行定期存款港幣$35萬元，到期日為2024年1月10日，存款期共3個月，年利率則為0.9%，利息金額為$793.76。其後樓中在文中表示自己已中伏，提醒大家要在恒生銀行做定期存款要小心，「小心恒生，我已中伏，永久black list 恒生」。
帖文引起網民關注，大多數人認為該張定期存款截圖並無不妥，並留言詢問樓主「睇唔明 中咩伏？」、「用計算機計咗一次，冇錯喎」、「冇錯喎，是由23年10月10日至24年1月10日，3個月定期港幣存款」、「人地寫明係年利率，無計錯俾你」，其後樓主也有在留言區回覆，他表示銀行所給的利息太少，「點解我（得）0.9（年息）先」。
隨後有網民向他解釋，指大部份銀行都要新資金才會有4%以上年息，直指樓主投資前沒有仔細看清楚條款，「乜存之前冇得睇幾厘息咩？」、「自己唔睇清楚怪咩人？」、「高息係要新資金，你要兩個戶口轉來轉去先會用得到4.x%果個息」、「明買明賣啫 冇人迫你做」、「要新資金先做到高息呀，條款都有寫，下次張啲錢轉走再入返先做定期啦」。
而帖文中也有不少網民與樓主有相同經驗，紛紛留言表示曾被「搵笨」，「恒生我絕對信 有被呃過」、「恒生上網做定期係拎唔到依家既息口，一定要銀行做先得」、「係好伏，而家大部份銀行都要玩新資金先有4%以上」、「幾年前我去恒生整啲野，前面個婆婆好大聲咁講話佢有個100萬定期岩岩續左期，佢問個職員利率係幾多。個職員話0.1%，個婆婆即時啞左好似想心臟病發咁」、「佢睇準大把唔識上網的阿公阿婆，而家網上銀行，三個月的都4.3%」，並建議樓主致電恒生銀行追討定期存款的正常利率，「你打去銀行問。我有朋友係9號都有相同問題，可以追得返」、「我試過同你一樣情形 ，打電話去投訴 ，佢會畀返個正常利率你」。
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
