早前有港媽在Partyroom慶祝小朋友生日，經過場地介紹的到會公司預訂$3,580的食物，原本打算給子女一個開心回憶，收到食物後才發現是惡夢開始！她發現所有鍚紙盒都被壓扁，更有部分食物醬汁濺出並經紙皮流到其他食物裡，由於擔心食物安全問題，最終決定放棄進食並要求全單退款。當時她聯絡到會公司負責人，沒想到對方表示只會退還部分熱盤費用，其後更明言若港媽發文公審則會取消退款安排？
有港媽在Facebook群組「飲食黑店大全」發帖，大呻訂購到會食物的中伏經驗，她表示上周日（8日）在一間Party Room為小朋友舉辦生日會，當時經場地介紹了一間長期有合作的到會公司訂購食物，「諗住合作實無死啦，點知瀨晒嘢」。
港媽表示，她在收貨後便打開冷盤食物時，發現鍚紙盒均被壓扁，「凍盤食物壓到扁晒，錫紙兜變晒形，壓扁晒啲食物」。當時港媽心知不妙，於是要求Party Room職員與她一同打開熱食的紙箱，箱內情況更讓她大嚇一跳，「一開恐怖到震驚我三觀，未見過到會食物送到會離譜成咁！啲汁經紙皮流晒落下面每盒食物，同樣錫紙兜變晒形！」
當時Party Room職員看到食物情況後，已即時聯絡到會公司的負責人交涉，但對方看過照片後，只是以訊息回覆表示仲食得，「到會公司話見到右邊熱食個幾盤仲食得，叫我地食左佢」。由於港媽擔心食物安全問題，最終一眾小朋友及家長決定放棄進食，並將食物交由Party Room棄置，「大佬啊，我哋一班小朋友生日會，食完有咩事，佢孭唔孭得起啊？最後我地當然一啖唔食」。
事後，港媽WhatsApp聯絡到會公司的負責人，並要求全單退款，但對方堅持只退還熱盤費用，「我覺得我地退$1921冇錯」、「歡迎你去拿件事理論」，其後又舉例稱「你去餐廳吃飯，點咗10個餸，有2個餸你唔滿意，最多都係換2個餸或者退2個餸。難道全單免單？」更明言若港媽公審今次事件而導致公司聲譽受損，則會取消退款安排。
港媽對於到會公司的處理手法感到相當不滿，直斥對方不負責任，「態度仲理直氣壯過消費者，連基本到會包裝都做唔好，要消費者幫佢既過錯埋單」、「末試過見到會包裝咁隨便」、「小朋友既生日Party，就因為叫左你地到會而敗筆」，其後決定網上發文公審該到會公司，提醒大家小心「中伏既到會黑店」。
帖文一出，隨即在網上掀起熱論，大部分人認為到會公司做法相當離譜，「如果純粹壓到變形 係可以接受，但漏晒汁 仲要經紙皮再漏 點食」、「咁多盒放一個紙面箱，有腦都唔會咁做啦」、「離譜到咁.....」、「完整個幾盒 賣相的確幾靚 真係唔明會咁樣擺」。另外亦有不少網民留言表示「呢間野我伏過一次」，「間野慣犯，佢改咗名開左好多間扮唔同」、「離哂譜 blacklist到佢開過間公司」、「呢個野黑店咗好耐，之前叫2次到會，一次遲到40分鐘，第二次仲過份早到50分鐘」、「我伏過一次，態度好差，真心差」，並建議樓主去消委會作出投訴。
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
